സദ്ഗുരു ജഗ്ഗി വാസുദേവും ഇഷ ഫൗണ്ടേഷനും എതിരെ ഞെട്ടിപ്പിക്കുന്ന വിവരങ്ങള് പുറത്ത്. ജഗ്ഗി വാസുദേവിനും ഇഷ ഫൗണ്ടേഷനെതിരെ
തമിഴ്നാട് പൊലീസ് സുപ്രീം കോടതിയില് റിപ്പോര്ട്ട് സമര്പ്പിച്ചു. സന്യാസി സഹോദരികളായ മാ മാതി, മാ മായു എന്നിവരുടെ പിതാവ് നല്കിയ ഹേബിയസ് കോര്പ്പസില് സത്യവാങ്മൂലം സമര്പ്പിക്കുകയായിരുന്നു പൊലീസ്.
ഇഷ യോഗ കേന്ദ്രത്തില് നിന്നും നിരവധി പേരെ കാണാതായതിന്റെയും ആത്മഹത്യ ചെയ്തതിന്റെയും പരാതികള് ലഭിച്ചിട്ടുണ്ടെന്നാണ് റിപ്പോര്ട്ട്. കഴിഞ്ഞ 15 വര്ഷത്തിനുള്ളില് ഇഷ ഫൗണ്ടേഷന്റെ പരിധിയിലുള്ള ആലന്തുരൈ പൊലീസ് സ്റ്റേഷനില് ആറ് മിസ്സിങ് കേസുകള് രജിസ്റ്റര് ചെയ്തിട്ടുണ്ട്. ഏഴ് ആത്മഹത്യ കേസും രജിസ്റ്റര് ചെയ്തിട്ടുണ്ട്.
മിസ്സിങ് കേസില് അഞ്ചെണ്ണം ഒഴിവാക്കുകയും അതില് ഒരെണ്ണത്തില് അന്വേഷണം പുരോഗമിക്കുകയാണെന്നും പൊലീസ് സമര്പ്പിച്ച സത്യവാങ്മൂലത്തില് വ്യക്തമാക്കുന്നു. ആത്മഹത്യ കേസുകളില്
ഫോറന്സിക് ലാബ് റിപ്പോര്ട്ട് ആവശ്യമുള്ള രണ്ട് കേസുകള് അന്വേഷണത്തിലാണെന്നും സത്യവാങ്മൂലത്തില് വ്യക്തമാക്കി.
യോഗ കേന്ദ്രത്തിന്റെ അകത്തുള്ള കലാഭൈരവര് തഗന മണ്ഡപത്തില് ഒരു ശ്മശാനവും നിര്മിക്കുന്നുണ്ട്. ഫൗണ്ടേഷന് ചേര്ന്ന് സ്ഥലമുള്ള എസ് എന് സുബ്രഹ്മണ്യന് ശ്മശാനം പണിയരുതെന്ന് ആവശ്യപ്പെട്ട് ഹൈക്കോടതിയെ സമീപിച്ചിട്ടുണ്ടെന്നും പൊലീസ് അറിയിച്ചു.
കോയമ്പത്തൂര് സാമൂഹ്യ ക്ഷേമ വകുപ്പും മാനസിക രോഗ വിദഗ്ദരും ചേര്ന്ന് നടത്തിയ സര്വേയില് ഇഷ ഹോം സ്കൂളിലെയും സംസ്കൃതിയിലെയും 45 വിദ്യാര്ത്ഥികള്ക്ക് ചൈല്ഡ് ഹെല്പ്ലൈനിലെയും ബാലാവകാശത്തെയും പോക്സോ നിയമത്തിന്റെയും കുറിച്ച് ബോധവല്ക്കരണം നടത്തണമെന്ന് അഭിപ്രായപ്പെട്ടിട്ടുണ്ട്.
