രാജസ്ഥാൻ : പഹല്ഗാം ഭീകരാക്രമണത്തിന്റെ പശ്ചാത്തലത്തില് ഇന്ത്യയുടെ പ്രതികരണം ശത്രുക്കള്ക്ക് ശക്തമായ സന്ദേശം നല്കിയതായി പ്രധാനമന്ത്രി നരേന്ദ്ര മോദി. വീണ്ടും പാകിസ്ഥാനെതിരെ രൂക്ഷ വിമർശനവുമായി എത്തിയ മോദി ഭീകരതയ്ക്ക് വേഗത്തിലുള്ള തിരിച്ചടി നല്കിയ സായുധ സേനയെ അഭിനന്ദിക്കുകയും ചെയ്തു. രാജസ്ഥാനിലെ ബിക്കാനറിൽ റാലിയെ അഭിസംബോധന ചെയ്യവെയായിരുന്നു പാകിസ്ഥാനെതിരെ വീണ്ടും രൂക്ഷ വിമര്ശനവുമായി എത്തിയത്.
ഏപ്രില് 22ന് ഭീകരര് നമ്മുടെ ജനങ്ങളെ ലക്ഷ്യം വച്ചു, അവരുടെ മതം ചോദിച്ചു, നമ്മുടെ സഹോദരിമാരുടെ സിന്ദൂരം മായ്ച്ചു കളഞ്ഞു. പഹല്ഗാമില് ഉതിര്ത്ത വെടിയുണ്ടകള് 140 കോടി ഇന്ത്യക്കാരുടെ ഹൃദയങ്ങളെയാണ് മുറിവേല്പ്പിച്ചത്’- മോദി പറഞ്ഞു. സിന്ദൂരം വെടിമരുന്നായി മാറുമ്പോള് എന്താണ് സംഭവിക്കുന്നതെന്ന് ലോകത്തിന്റെയും രാജ്യത്തിന്റെയും ശത്രുക്കള് കണ്ടെന്നും ആക്രമണം നടന്ന് വെറും 22 മിനിറ്റിനുള്ളില്, ഭീകര ക്യാമ്പുകള് നശിപ്പിക്കപ്പെട്ടെന്നും മോദി വേദിയിൽ പറഞ്ഞു
