രാജ്യസഭയില് ഭരണഘടന ചര്ച്ചയ്ക്ക് ഇന്ന് തുടക്കമാകും. ഒരു രാജ്യം ഒരു തെരഞ്ഞെടുപ്പ് ബില്ലുകള് നാളെ ലോക്സഭ അജണ്ടയില് ഉള്പ്പെടുത്തും. ചര്ച്ചയില് പ്രധാനമന്ത്രി നരേന്ദ്ര മോദി പങ്കെടുക്കില്ല. നിര്മ്മല സീതാരാമന് ചര്ച്ച തുടങ്ങിവയ്ക്കും. ഭരണഘടന അനുച്ഛേദം 83 ഉം, 172 ഉം ഭേദഗതി ചെയ്തുള്ള ബില്ലും, കേന്ദ്ര ഭരണ പ്രദേശങ്ങളിലെ നിയമസഭ തെരഞ്ഞെടുപ്പ് ഭേദഗതി ബില്ലുമാകും അവതരിപ്പിക്കുക.
ശനിയാഴ്ച ലോക്സഭയില് നടന്ന ചര്ച്ചയില് പ്രധാമന്ത്രി നരേന്ദ്രമോദിയും രാഹുല് ഗാന്ധിയും പരസ്പരം രൂക്ഷ വിമര്ശനമുയര്ത്തിയിരുന്നു. ഒരു രാജ്യം ഒരു തെരഞ്ഞെടുപ്പ് ബില്ല് ഇന്ന് അവതരിപ്പിക്കാന് തീരുമാനിച്ചിരുന്നെങ്കിലും പിന്നീട് മാറ്റി വയ്ക്കാന് തീരുമാനിക്കുകായിരുന്നു.
2034 മുതല് ലോക് സഭ നിയമസഭ തെരഞ്ഞെടുപ്പുകള് ഒന്നിച്ച് നടത്താനുള്ള വ്യവസ്ഥകളുമായാണ് ഒരു രാജ്യം ഒരു തെരഞ്ഞെടുപ്പ് ബില് തയ്യാറാക്കിയിരിക്കുന്നത്. ബില്ലിന് കേന്ദ്രമന്ത്രിസഭ അംഗീകാരം നല്കിയിരുന്നു.
