കൊച്ചി: ചലച്ചിത്ര നിർമ്മാതാവായും, സംഗീത സംവിധായകനായും സിനിമ രംഗത്ത് ശ്രദ്ധേയനായ രാജേഷ് ബാബു കെ ശൂരനാട് ആദ്യമായി തിരക്കഥയെഴുതി സംവിധാനം ചെയ്യുന്ന ചിത്രമാണ് ” എന്നും “. ഇരുപതിലധികം സിനിമകൾക്ക് സംഗീതമൊരുക്കിയിട്ടുള്ള രാജേഷ് ബാബു പെർഫ്യൂം,ഹെർ ഫ്രാഗ്രൻസ് , ബൈനറി , ഴ , ഇനി. സിനിമകൾ നിർമ്മിച്ചിട്ടുണ്ട്. ഒരു അഭിനേതാവ് കൂടിയായ ഷനൂപാണ് ചിത്രത്തിന്റെ പ്രൊഡക്ഷൻ കൺട്രോളർ.മലയാളത്തിലെ താരങ്ങളും, സംവിധായകരും, ഗായകരും , സാങ്കേതിക പ്രവർത്തകരുമടക്കം ചലച്ചിത്രരംഗത്തെ നൂറിലധികം പ്രമുഖർ തങ്ങളുടെ ഒഫീഷ്യൽ പേജുകൾ വഴിയും, വാട്സ് ആപ്പ് ഗ്രൂപ്പ്കളിലൂടെയുമാണ് ചിത്രത്തിന്റെ പോസ്റ്റർ ഷെയർ ചെയ്തത്.
വിഷ്ണു ഉണ്ണികൃഷ്ണനും പൂജയും കേന്ദ്ര കഥാപാത്രങ്ങളാകുന്ന “എന്നും” എന്ന ചിത്രത്തിൽ മുന്ന സൈമൺ , സുധീഷ് , ലാലി പി എം , സോഹൻ സീനുലാൽ , കൈലാഷ് , ഡയാന ഹമീദ് , നവാസ് വള്ളിക്കുന്ന് , അനീഷ് രവി , അൻസിൽ റഹ്മാൻ , ഷനൂപ് , പ്രണവ് മോഹൻ , ശ്രുതി വൈശാഖ് , നൈറ നിഹാർ , അനശ്വര , നിധിഷാ കരുണൻ എന്നിവർ മറ്റു പ്രധാന വേഷങ്ങളിലെത്തുന്നു.
മഞ്ജു വാര്യാർ ,മധു വാര്യർ, സുരാജ് വെഞ്ഞാറമൂട്. ശ്വേതാ മേനോൻ, നരേൻ ഡോ. റോണി, വിനയ് ഫോർട്ട്, സിജു വിൽസൺ, നിയ വർഗീസ്, ഇന്ദ്രൻസ്, ജഗദീഷ് , ശ്രുതി രാമചന്ദ്രൻ, നീന കുറുപ്പ്, അപ്പാനി ശരത്,ദിനേശ് പണിക്കർ , ഗായത്രി സുരേഷ് , ഷാജൂൺ കാരിയാൽ , ഹരിദാസ് തുടങ്ങി നൂറിലധികം താരങ്ങളാണ് വിഷു ദിനത്തിൽ പോസ്റ്റർ ഷെയർ ചെയ്തത്.
സംഗീതത്തിന് പ്രാധാന്യമുള്ള ചിത്രത്തിന് വേണ്ടി കൈതപ്രം ദാമോദരൻ നമ്പൂതിരി , വയലാർ ശരത്ചന്ദ്ര വർമ്മ , പി കെ ഗോപി , മിത്രൻ വിശ്വനാഥ് , സുധി , അലി എന്നിവർ ഗാനങ്ങൾ രചിക്കുന്നു വളരെ വ്യത്യസ്തമായ ഒരു സൗഹൃദത്തിന്റെ കഥയാണ് ചിത്രം പറയുന്നതെന്ന് അണിയറ പ്രവർത്തകർ അവകാശപ്പെടുന്നു. പി.ആർ.ഒ പി.ആർ സുമേരൻ .
