തിരുവനന്തപുരം: സംസ്ഥാനത്ത് ഇന്ന് സ്വർണവിലയിൽ മാറ്റമൊന്നുമില്ല. ഇന്നലെ മുതൽ തുടരുന്ന സർവ്വകാല റെക്കോർഡ് നിരക്കിലാണ് വ്യാപാരം നടക്കുന്നത്.ഇന്ന് വിപണിയിൽ 22 കാരറ്റ് സ്വർണത്തിന്റെ ഒരു പവന് ₹82,240 രൂപയാണ് വില. ജിഎസ്ടി, പണിക്കൂലി, ഹോൾമാർക്ക് ഫീസ് എന്നിവ കൂടി ചേർന്നാൽ ഒരു പവന് ആഭരണത്തിന് ₹91,000 രൂപയ്ക്കു മുകളിൽ നൽകേണ്ടിവരും. നിലവിലെ ഗ്രാമിന്റെ വില ₹11,000 ആണ്.
അന്താരാഷ്ട്ര വിപണിയിൽ സ്വർണത്തിന്റെ വില ഉയർന്ന സാഹചര്യത്തിലാണ് ആഭ്യന്തര വിപണിയിലും റെക്കോർഡ് നിരക്ക് തുടരുന്നത്. ഡോളറിനെ മറികടന്ന് സ്വർണം ‘ഗ്ലോബൽ കറൻസിയായി’ മാറിയിരിക്കുകയാണെന്ന് വിപണി വിദഗ്ധർ വിലയിരുത്തുന്നു.
ദീപാവലിയോടനുബന്ധിച്ച് ഗ്രാമിന് ₹10,000 വരെ ഉയരുമെന്ന പ്രവചനം ഉണ്ടായിരുന്നുവെങ്കിലും, ഇപ്പോഴത്തെ സൂചനകൾ പ്രകാരം ഗ്രാമിന് ₹12,000 വരെ എത്താനുള്ള സാഹചര്യം നിലനിൽക്കുന്നതായി വിദഗ്ധർ ചൂണ്ടിക്കാട്ടുന്നു. അന്താരാഷ്ട്ര വിപണിയിൽ സ്വർണവില $3,800 ഡോളർ വരെ ഉയർന്നേക്കാമെന്നാണു വിലയിരുത്തൽ.
