തിരുവനന്തപുരം: സിഎംആർഎൽ കേസിൽ കോൺഗ്രസിൽ ഒറ്റപ്പെട്ട മാത്യു കുഴൽനാടനെ പിന്തുണച്ച് ചാണ്ടി ഉമ്മൻ എംഎൽഎ. നിയമം നിയമത്തിന്റെ വഴിക്ക് പോകട്ടെ എന്നതാണ് യുഡിഎഫ് നിലപാടെന്നും പക്ഷേ മാത്യു കുഴൽനാടന് കേസിന്റെ എ ടു സെഡ് കാര്യങ്ങൾ അറിയാമെന്നും അദ്ദേഹത്തിന്റെ വിമർശനം കൂടി ഉൾക്കൊള്ളാൻ പാർട്ടി തയാറാവണമെന്നും ചാണ്ടി ഉമ്മൻ പറഞ്ഞു.
ലാവലിൻ കേസിൽ ആക്ഷേപം ഉയർന്നപ്പോൾ തന്റെ പിതാവ് നേരെ സിബിഐക്കാണ് വിട്ടത്. മാത്യുവിന്റെ പോരാട്ടം ചെറിയ പോരാട്ടമല്ല. വി.ഡി സതീശൻ ഉമ്മൻ ചാണ്ടിയായയെന്ന് കരുതിയാൽ മതിയെന്നും അദ്ദേഹം പറഞ്ഞു. കുഴൽനാടൻ്റെ വാദം കൂടി പാർട്ടി കേൾക്കണമെന്നും അനാവശ്യമായി കൈക്കടത്തേണ്ട എന്നതായിരിക്കും സർക്കാർ കാഴ്ചപ്പാടെന്നും അതിൽ താൻ തെറ്റുപറയുന്നില്ലെന്നും അദ്ദേഹം കൂട്ടിച്ചേർത്തു.
