കോഴിക്കോട് : ഒഞ്ചിയം മേഖലയിൽ യുഡിഎഫും ആർഎംപിഐയും പരീക്ഷിച്ചു ജയിച്ച ജനകീയ മുന്നണി സംവിധാനം ഈ തെരഞ്ഞെടുപ്പിലും തുടരും. ഒഞ്ചിയത്തിന് പുറത്ത് കൂടുതൽ തദ്ദേശസ്ഥാപനങ്ങളിൽ സംവിധാനം പരീക്ഷിക്കുന്നുമുണ്ട്. വടകര നഗരസഭയിൽ രണ്ട് വാർഡുകളിൽ ആർ എം പി ഐ, യുഡിഎഫിന്റെ പിന്തുണയോടെ മത്സരിക്കും.

മണിയൂർ തിരുവള്ളൂർ ഉൾപ്പെടെയുള്ള പഞ്ചായത്തുകളിലും തുടർന്നൂർ ബ്ലോക്ക് പഞ്ചായത്തിലും ഉൾപ്പെടെ ചർച്ചകൾ നടക്കുന്നുണ്ട്. മണിയൂരിൽ 2 സീറ്റിൽ മത്സരിക്കാൻ ആണ് സാധ്യത. ഒഞ്ചിയം അഴിയൂർ ഏറാമല ചോറോട് പഞ്ചായത്തുകളിൽ ആണ് യുഡിഎഫും ആർഎംപിഐയും ജനകീയ മുന്നണിയായി മത്സരിക്കുന്നത്. 2015 മുതൽ ഈ സംവിധാനം ഉണ്ട്