അബുദാബി: യുഎഇയിൽ വീണ്ടും സുരക്ഷാ അലർട്ട് പ്രഖ്യാപിച്ചു. രാജ്യത്തിനെതിരെ ഉണ്ടായേക്കാവുന്ന മിസൈൽ ആക്രമണ ഭീഷണി വ്യോമപ്രതിരോധ സംവിധാനം നിലവിൽ നിരീക്ഷിക്കുകയും പ്രതിരോധ നടപടികൾ സ്വീകരിക്കുകയും ചെയ്യുകയാണെന്ന് യുഎഇ ആഭ്യന്തര മന്ത്രാലയം അറിയിച്ചു. ജനങ്ങൾ സുരക്ഷിതമായ ഇടങ്ങളിൽ തുടരുകയും ഔദ്യോഗിക ചാനലുകൾ വഴി ലഭിക്കുന്ന മുന്നറിയിപ്പുകളും പുതുക്കലുകളും ശ്രദ്ധാപൂർവ്വം പിന്തുടരണമെന്നും അധികൃതർ നിർദേശിച്ചു.
സുരക്ഷാ സാഹചര്യം പരിഗണിച്ച് ദുബായ് അന്താരാഷ്ട്ര വിമാനത്താവളത്തിലെ പ്രവർത്തനങ്ങൾ താത്കാലികമായി നിർത്തിവച്ചു. യാത്രക്കാരുടെയും വിമാനത്താവള ജീവനക്കാരുടെയും സുരക്ഷ ഉറപ്പാക്കുന്നതിനായാണ് ഈ നടപടി സ്വീകരിച്ചതെന്ന് അധികൃതർ അറിയിച്ചു. സുരക്ഷാ പ്രോട്ടോക്കോളുകൾ പ്രകാരം ആവശ്യമായ നടപടികൾ തുടരുകയാണെന്നും ബന്ധപ്പെട്ട ഏജൻസികൾ സ്ഥിതിഗതികൾ അടുത്ത് നിരീക്ഷിക്കുകയാണെന്നും അധികൃതർ വ്യക്തമാക്കി.
