കോഴിക്കോട്: നന്മണ്ട ഗ്രാമപഞ്ചായത്തിൽ യുഡിഎഫിലെ വിനിഷ ഷൈജു പ്രസിഡണ്ട് ആയി തെരഞ്ഞെടുക്കപ്പെട്ടു. എൽഡിഎഫ് , യുഡിഎഫ് മുന്നണികൾ 8 വീതം സീറ്റുകൾ നേടി തുല്യനിലയിൽ ആയപ്പോൾ നറുക്കെടുപ്പിലൂടെയാണ് ഭരണം യുഡിഎഫിന് ലഭിച്ചത്.

വാർഡ് 11 എഴുകുളത്ത് നിന്നും വിജയിച്ച ജനപ്രതിനിധിയാണ് വിനിഷ ഷൈജു. പഞ്ചായത്ത് രൂപീകരിച്ച മുതൽ ഇതുവരെയും ഭരണം എൽഡിഎഫ് ആയിരുന്നു. ഇത്തവണ 8 സീറ്റുകൾ നേടി നറുക്കെടുപ്പിലൂടെ യുഡിഎഫ് ഭരണത്തിലേറുകയായിരുന്നു. വൈസ് പ്രസിഡണ്ട് സ്ഥാനത്തേക്കുള്ള തെരഞ്ഞെടുപ്പ് ഉച്ചയ്ക്ക് ശേഷം നടക്കും. എൽഡിഎഫിലെ ലീല പാടിക്കര യുഡിഎഫിലെ സമീറ എന്നിവരാണ് മത്സരിക്കുന്നത്.