സ്വര്ണ്ണ പ്രേമികളെ അമ്പരപ്പിച്ച് സ്വര്ണവിലയില് ഇന്ന് അപ്രതീക്ഷിത കുറവ്. കേരളത്തില് ഗ്രാമിന് 60 രൂപ വര്ധിച്ച് 6995 രൂപയായി. 480 രൂപ ഉയര്ന്ന് 55960 രൂപയാണ് പവന്വില. 18 കാരറ്റിനും ഗ്രാമിന് 50 രൂപ കൂടി വില 5770 രൂപയിലെത്തി.
ഒക്ടോബര് 31ന് രേഖപ്പെടുത്തിയ പവന് 59,640 രൂപയും ഗ്രാമിന് 7,455 രൂപയും എന്ന എക്കാലത്തെയും റെക്കോര്ഡ് വിലയില് എത്തിയിരുന്നു. ഇക്കഴിഞ്ഞ ശനിയാഴ്ച വരെ പവന് 4,449 രൂപയും ഗ്രാമിന് 562 രൂപയും കുറഞ്ഞിരുന്നു. ഇതേ ട്രെന്ഡ് തുടരുമെന്ന് പ്രതീക്ഷിച്ചിരിക്കേയാണ്, ഇന്ന് വില തിരിച്ചുകയറിയത്.
രാജ്യാന്തരവിലയുടെ മലക്കംമറിച്ചിലാണ് കേരളത്തിലും പ്രതിഫലിച്ചത്. കഴിഞ്ഞയാഴ്ച ഔണ്സിന് 2,560 ഡോളര് നിലവാരത്തിലേക്ക് കൂപ്പുകുത്തിയ രാജ്യാന്തരവില, നിലവില് 2,590 ഡോളറിലേക്ക് തിരിച്ചുകയറി. ഇതോടെ കേരളത്തിലും വില കൂടുകയായിരുന്നു. അതേസമയം വെള്ളിവില ഗ്രാമിന് 97 രൂപയില് മാറ്റമില്ലാതെ തുടരുന്നു.
