അനധികൃത കുടിയേറ്റക്കാരെന്ന് കണ്ടെത്തി ട്രംപ് ഭരണകൂടം നാടുകടത്തിയ ഇന്ത്യാക്കാർ പഞ്ചാബ് അമൃത്സറിലെത്തി. ആദ്യ സംഘത്തിൽ 104 പേരെയാണ് യുഎസ് സൈനിക വിമാനത്തില് ഇന്ത്യയിലെത്തിച്ചത്. ഇവരില് 25 വനിതകളും 13 കുട്ടികളും 79 പുരുഷന്മാരും ഉള്പ്പെടുന്നു. സി-17 യുഎസ് സൈനിക വിമാനം ഉച്ചയ്ക്ക് 1.59 നാണ് ശ്രീ ഗുരു റാം ദാസ് ജീ അന്താരാഷ്ട്ര വിമാനത്താവളത്തില് ഇറങ്ങിയത്.
അമേരിക്കയിൽ നിന്ന് എത്തിയ സംഘത്തെ സ്വീകരിക്കാന് പൊലീസും സിവില് അഡ്മിനിസ്ട്രേഷന് ഉദ്യോഗസ്ഥരും സന്നിഹിതരായിരുന്നു.104 പേരടങ്ങുന്ന സംഘത്തില് 33 പേര് വീതം ഹരിയാന, ഗുജറാത്ത് എന്നിവിടങ്ങളില് നിന്നുള്ളവരും, 30 പേര് പഞ്ചാബില് നിന്നുള്ളവരുമാണ്. മൂന്ന് പേര് വീതം മഹാരാഷ്ട്ര, ഉത്തര്പ്രദേശ് എന്നിവിടങ്ങളില് നിന്നുള്ളവരും, രണ്ട് പേര് ചണ്ഡീഗഡില് നിന്നുള്ളവരുമാണ്.
