തിരുവനന്തപുരം: തിരുവനന്തപുരം കോര്പ്പറേഷന് മുട്ടട വാര്ഡില് കോണ്ഗ്രസിലെ വൈഷ്ണ സുരേഷിന്റെ സ്ഥാനാര്ത്ഥിത്വം ആശങ്കയില്.
വോട്ടര് പട്ടികയില് പേര് ചേര്ക്കാന് നല്കിയ വിലാസം ശരിയല്ലെന്നും പട്ടികയില് നിന്നു ഒഴിവാക്കണം എന്നും കാണിച്ച് സിപിഎം പരാതി നല്കിയിരുന്നു.
വൈഷ്ണ നല്കിയ മേല്വിലാസത്തില് പ്രശ്നമുണ്ടെന്നാണ് കോര്പ്പറേഷന് ഉദ്യോഗസ്ഥര് നല്കുന്ന വിവരം. മുട്ടടയില് കുടുംബവീടുള്ള വൈഷ്ണ അമ്പലമുക്കിലെ വാടക വീട്ടിലാണ് താമസം.
കഴിഞ്ഞ ലോക്സഭാ തെരെഞ്ഞെടുപ്പിലും വോട്ട് ചെയ്തിരുന്നു. സിപിഎം പരാതി അംഗീകരിച്ചു വോട്ടര് പട്ടികയില് നിന്ന് ഒഴിവാക്കിയാല് വൈഷ്ണക്ക് മത്സരിക്കാന് കഴിയില്ല. അങ്ങനെ വന്നാല് തെരഞ്ഞെടുപ്പ് കമ്മീഷന് അപ്പീല് നല്കാനാണ് കോണ്ഗ്രസ് തീരുമാനം.
