മലപ്പുറം: തുഞ്ചൻ മെമ്മോറിയൽ കോളെജിൽ എ ഐ ഡി എസ് ഒ സംഘടിപ്പിച്ച ഐ എൻ എ ഹീറോ വക്കം ഖാദർ മെമ്മോറിയൽ ഫുട്ബോൾ ടൂർണമെൻ്റ് സമാപിച്ചു. വിരേധിഹാസമായിരുന്ന കേരളാ ഭഗത്സിംഗ് എന്ന് അറിയപ്പെടുന്ന സ്വാതന്ത്ര്യ സമര സേനാനി വക്കം ഖാദറിൻ്റെ തമസ്കരിക്കപ്പെട്ട ചരിത്രം വിദ്യാർത്ഥികളെ പരിചയപ്പെടുത്തികൊണ്ടാണ് ഫുട്ബോൾ ടൂർണമെൻ്റ് നടന്നത്. ടൂർണമെന്റിൽ ഇംഗ്ലീഷ് ഡിപ്പാർട്ട്മെന്റ് വക്കം ഖാദർ മെമ്മോറിയൽ ട്രോഫി കരസ്ഥമാക്കി. മുഹമ്മദ് റമീസ് മൽസരത്തിലെ ഗോൾഡൻ ബൂട്ടിന് അർഹനായി. സമാപന സമ്മേളനത്തിൽ എഐ ഡിഎസ്ഒ സംസ്ഥാന വൈസ് പ്രസിഡന്റ് കെ.റഹീം മുഖ്യാതിഥിയായി. കോളെജ് ചെയർമാൻ അലൻ എംഎസ് അധ്യക്ഷത വഹിച്ചു. ഗോവിന്ദ് ശശി, മുഹമ്മദ് റിഫാൻ, സവാദ്, അനുഷേഖ് , അശ്വിൻ തുടങ്ങിയവർ പ്രസംഗിച്ചു.
