തെന്നിന്ത്യൻ മുൻ നിര താരം വിശാൽ നായകനാവുന്ന 35 – മത്തെ സിനിമയുടെ പേര് അണിയറക്കാർ പ്രഖ്യാപിച്ചു. ‘ മകുടം ‘ എന്നാണ് ചിത്രത്തിന് പേരിട്ടിരിക്കുന്നത്. ഇതൊരു ‘ പവർ പാക്ക്ഡ് ആക്ഷൻ ‘ ചിത്രമാണെന്ന സൂചനയാണ് ടൈറ്റിൽ ടീസർ നൽകുന്നത്. ടൈറ്റിൽ ടീസർ പുറത്തിറങ്ങി മൂന്നു മണിക്കൂറുകൾ കൊണ്ട് തന്നെ അത് ഒന്നര ലക്ഷത്തിൽ പരം കാണികളെ ആകർഷിച്ച് മുന്നേറ്റം തുടരുന്നു എന്നത് ശ്രദ്ധേയമാണ്.
‘ മകുട ‘ ത്തിൻ്റെ 45 ദിവസത്തെ ആദ്യഘട്ട ചിത്രീകരണം ചെന്നൈയിൽ തുടങ്ങി ഊട്ടി, പാലക്കാട് എന്നിവിടങ്ങളിലായി പുരോഗമിക്കുന്നു. തമിഴിലെ ഒന്നാം കിട നിർമ്മാണ കമ്പനിയായ ആർ.ബി. ചൗധരിയുടെ ‘ സൂപ്പർ ഗുഡ് ഫിലിംസ് ‘ നിർമ്മിക്കുന്ന 99- മത്തെ സിനിമയാണിത് .
തുഷാരാ വിജയനാണ് ചിത്രത്തിൽ വിശാലിൻ്റെ ജോഡി. തമിഴ് – തെലുങ്ക് താരം അഞ്ജലിയും സുപ്രധാന കഥാപാത്രത്തെ അവതരിപ്പിക്കുന്നു. രവി അരസാണ് രചനയും സംവിധാനവും.
ഉയർന്ന നിലവാരമുള്ള ഒരു ആക്ഷൻ രംഗം വാഗ്ദാനം ചെയ്യുന്നമകുടം ആരാധകർക്കിടയിൽ ഇതിനകം തന്നെ ആവേശം ഉണ്ടാക്കിയിട്ടുണ്ട് . മഗുദത്തിന്റെ ടൈറ്റിൽ ടീസർ പങ്കുവെച്ച് വിശാൽ തന്റെ ട്വിറ്റർ ഹാൻഡിൽ എഴുതി: “ഇതാ നമ്മൾ തുടങ്ങുന്നു. എന്റെ അടുത്ത ചിത്രത്തിന്റെ പേര് വെളിപ്പെടുത്താനുള്ള സമയമായി. ലോകമെമ്പാടുമുള്ള പ്രിയപ്പെട്ടവർക്കായി #Vishal35 & #SGF99 എന്നിവയുടെ ഔദ്യോഗിക #TitleTeaser അവതരിപ്പിക്കുന്നു. നിങ്ങൾ എല്ലാവരും ഇത് ആസ്വദിക്കുമെന്ന് പ്രതീക്ഷിക്കുന്നു. ദൈവം അനുഗ്രഹിക്കട്ടെ.”
ചിത്രത്തെ കുറിച്ചുള്ള കൂടുതൽ വിവരങ്ങൾ ഒന്നും തന്നെl അണിയറക്കാർ വെളിപ്പെടുത്തിയിട്ടില്ല. സർപ്രൈസ് അപ്ഡേറ്റുകൾ അടുത്ത ദിവസങ്ങളിൽ പ്രതീക്ഷിക്കാം . ജി. വി. പ്രകാശ് കുമാറാണ് സംഗീത സംവിധായകൻ. റിച്ചാർഡ് എം നാഥൻ ഛായാഗ്രഹണം നിർവഹിക്കുന്നു.
