ന്യൂഡല്ഹി: വോട്ടര് പട്ടികയിലെ ക്രമക്കേടുമായി ബന്ധപ്പെട്ട് പ്രതിപക്ഷ നേതാവ് രാഹുല് ഗാന്ധി നടത്തിയ ആരോപണങ്ങളില് പ്രതികരണവുമായി തെരഞ്ഞെടുപ്പ് കമ്മീഷന്. കമ്മീഷന് നടത്തിയ വാര്ത്താ സമ്മേളനത്തില് ആദ്യം സംസാരിച്ചത് മുഖ്യ തെരഞ്ഞെടുപ്പ് കമ്മീഷണര് ഗ്യാനേഷ് കുമാറാണ്. 18 വയസ് പൂര്ത്തിയായ എല്ലാവരും വോട്ട് ചെയ്യണമെന്നും വോട്ടര്പട്ടികയില് പേര് ചേര്ക്കണം എന്നും പറഞ്ഞുകൊണ്ടാണ് അദ്ദേഹം വാര്ത്താ സമ്മേളനം തുടങ്ങിയത്. വോട്ടര് പട്ടിക പുതുക്കാന് വേണ്ടിയാണ് എസ്ഐആര് നടത്തുന്നത്. വോട്ടര് പട്ടികയിലെ പ്രശ്നങ്ങള് പരിഹരിക്കാനാണിത്. രാഷ്ട്രീയ പാര്ട്ടികള് തെരഞ്ഞെടുപ്പ് കമ്മീഷനിലെ രജിസ്ട്രേഷന് വഴിയാണ് നിലനില്ക്കുന്നത്. കമ്മീഷന് എങ്ങനെ ആ രാഷ്ട്രീയ പാര്ട്ടികളോട് വിവേചനം കാണിക്കും. കമ്മീഷന് പക്ഷമില്ല എന്ന് അദ്ദേഹം പറഞ്ഞു.
ബീഹാറില് തിരഞ്ഞെടുപ്പുമായി ബന്ധപ്പെട്ട് സെപ്റ്റംബര് വരെയാണ് സമയം. എല്ലാ രാഷ്ട്രീയ പാര്ടികളും സഹകരിച്ച് മുന്നോട്ട് പോകണം. ഇനിയുള്ള 15 ദിവസത്തിനുള്ളില് എല്ലാം പൂര്ത്തിയാക്കാന് രാഷ്ട്രീയപാര്ട്ടികള് കൂടി സഹകരിക്കണം. എല്ലാ വോട്ടര്മാരും രാഷ്ട്രീയപാര്ട്ടികളും ബൂത്ത് ലൈവല് ഓഫീസര്മാരും ചേര്ന്നു നടപടികള് വേഗത്തിലാക്കണം. പരിഭ്രാന്തി പടര്ത്താനുള്ള ബോധപൂര്വ്വമായ ശ്രമം നടക്കുന്നുണ്ട്. ബീഹാറിലെ 7 കോടിയിലധികം വോട്ടര്മാര് കമ്മീഷന്റെ കൂടെ നില്ക്കുന്നുണ്ട്. എന്നാല് വോട്ട് ചോരി എന്ന കള്ള കഥ പ്രചരിപ്പിക്കുന്നു. വോട്ട് കൊള്ളയെന്ന ആരോപണം ഇന്ത്യയുടെ ഭരണഘടനയ്ക്ക് അപമാനമാണ്. വോട്ടിംഗ് യന്ത്രത്തെ കുറിച്ച് സുപ്രീം കോടതി അന്തിമ വിധി പറഞ്ഞതാണ്. വോട്ടറുടെ സ്വകാര്യത സംരക്ഷിക്കണം എന്ന് സുപ്രീംകോടതി നിര്ദ്ദേശിച്ചിട്ടുണ്ട്. രാഹുല് ഗാന്ധി സ്വകാര്യത ലംഘിച്ചു എന്നും മുഖ്യ തെരഞ്ഞെടുപ്പ് കമ്മീഷണറുടെ വിമര്ര്ശ
