കൊച്ചി: അങ്കമാലിയിൽ പെൺകുഞ്ഞിനെ പ്രസവിച്ചതിന് ഭാര്യയെ ക്രൂരമായി മർദിച്ച് ഭർത്താവ്. പെൺകുഞ്ഞുണ്ടായത് ഭാര്യയുടെ കുറ്റം കൊണ്ടാണെന്നാണ് ഭർത്താവിന്റെ മൊഴി. ഭർത്താവിനെതിരെ പൊലീസ് കേസെടുത്തിട്ടുണ്ട്.

2020-ൽ വിവാഹം കഴിച്ച ഇരുവരും 2021-ൽ പെൺകുഞ്ഞ് ജനിച്ചതോടെ യുവതിയെ നാല് വർഷത്തോളം ക്രൂരമായി മർദിച്ചുവെന്നാണ് വിവരങ്ങൾ. യുവതി ആശുപത്രിയിൽ ചികിത്സ തേടിയപ്പോൾ ആശുപത്രി ഉദ്യോഗസ്ഥർക്ക് സംശയം തോന്നുകയും, തുടര്‍ന്ന് വിവരം പോലീസ് അറിയുകയും ചെയ്തു.

ആദ്യം ഗാർഹിക പീഡനമായിരിക്കാമെന്നാണ് പോലീസ് കരുതിയത്. എന്നാൽ യുവതി നേരിട്ട് സ്റ്റേഷനിൽ എത്തി, ക്രൂരമർദനത്തിന്റെ കാരണമായി പെൺകുഞ്ഞ് ജനിച്ചതാണെന്ന് വിശദമായി പറഞ്ഞതിനെത്തുടർന്ന് അങ്കമാലി പൊലീസ് ഭർത്താവിനെതിരെ കേസ് രജിസ്റ്റർ ചെയ്തു.