മുംബൈ: നടന് പവന് സിംഗിനെതിരെ ഗുരുതര ആരോപണങ്ങളുമായി ഭാര്യ ജ്യോതി സിംഗ്. മുംബൈയില് നടത്തിയ വാര്ത്താ സമ്മേളനത്തില് ജ്യോതി സിംഗ് ഭര്ത്താവിനെതിരെ നിരവധി ആരോപണങ്ങള് ഉന്നയിച്ചു. വിവാഹ ബന്ധത്തില് താന് ശാരീരികവും മാനസികവുമായ പീഡനം നേരിട്ടതായി ജ്യോതി പറഞ്ഞു. കുഞ്ഞിനെ വേണമെന്ന് പറഞ്ഞിട്ടും പവന് സിംഗ് ഗര്ഭച്ഛിദ്ര ഗുളികകള് നല്കിയെന്ന് ജ്യോതി സിംഗ് പറഞ്ഞു.
‘അദ്ദേഹം എനിക്ക് ഗര്ഭച്ഛിദ്ര ഗുളികകള് തരുമായിരുന്നു. താന് ഒരു കുഞ്ഞിനെ ആഗ്രഹിച്ചിരുന്നു എന്ന് അദ്ദേഹം പറയുന്നു, പക്ഷേ ശരിക്കും ഒരു കുഞ്ഞിനെ ആഗ്രഹിക്കുന്നയാള് ഭാര്യയ്ക്ക് ഈ മരുന്നുകള് നല്കില്ല. ഞാന് എതിര്ത്തപ്പോള് അദ്ദേഹം എന്നെ വല്ലാതെ ഉപദ്രവിച്ചു. അതുകൊണ്ടാണ് ഞാന് പുലര്ച്ചെ രണ്ട് മണിക്ക് 25 ഉറക്കഗുളികകള് കഴിച്ചത്’- ജ്യോതി സിംഗ് പറഞ്ഞു. ഇതോടെ രാത്രി വൈകി തന്നെ ആശുപത്രിയില് കൊണ്ടുപോകേണ്ടി വന്നുവെന്നും ജ്യോതി സിംഗ് പറഞ്ഞു.
അതേസമയം ജ്യോതിയുടെ ആരോപണങ്ങള് തെറ്റാണെന്നാണ് പവന് സിംഗ് പറയുന്നത്. തന്നെ കാണാന് വന്നപ്പോള് ജ്യോതിയോട് മാന്യമായാണ് പെരുമാറിയതെന്ന് പവന് സിംഗ് പറഞ്ഞു. വിവാഹമോചന നടപടികള് അവസാനിക്കുന്നത് വരെ തന്റെ വസതി വിട്ട് പോകാന് ജ്യോതി വിസമ്മതിച്ചതായും നടന് പറഞ്ഞു- ‘ഒരേ മേല്ക്കൂരയ്ക്ക് കീഴില് താമസിച്ചുകൊണ്ട് ഒരു കേസ് നടത്താന് കഴിയുമോ എന്ന് ഞാന് ചോദിച്ചു. അവള്ക്ക് ആവശ്യമുള്ള ഭക്ഷണം തയ്യാറാക്കാന് ഞാന് ജോലിക്കാരോട് ആവശ്യപ്പെട്ടു. ഞങ്ങള് ഏകദേശം ഒന്നര മണിക്കൂര് സംസാരിച്ചു. തെരഞ്ഞെടുപ്പില് മത്സരിക്കാന് ഞാന് അവസരം നല്കണമെന്നായിരുന്നു ജ്യോതിയുടെ ഒരേയൊരു ആവശ്യം. അത് എന്റെ നിയന്ത്രണത്തിലുള്ള കാര്യമല്ല’.
