തുടരും മലയാള സിനിമ കണ്ട എക്കാലത്തെയും വിജയമായി മാറിയിരിക്കുകയാണ്. കേരള ബോക്സ് ഓഫീസില് മാത്രം 100 കോടി രൂപയിലധികം നേടിയിട്ടുണ്ട് തുടരും. ആഗോള ബോക്സ് ഓഫീസില് 200 കോടി ക്ലബിലുമെത്തി. 40 ലക്ഷം ടിക്കറ്റുകളിലധികം ബുക്ക് മൈ ഷോയിലൂടെ വിറ്റഴിച്ച് എമ്പുരാനെ പിന്നിലാക്കി രണ്ടാം സ്ഥാനത്ത് എത്തിയിരിക്കുകയാണ് തുടരും.
ബുക്ക് മൈ ഷോയിലെ ടിക്കറ്റ് വില്പനയുടെ കണക്കുകള്.
- മഞ്ഞുമ്മല് ബോയ്സ്- 4.32M
- തുടരും- 4.02M
- എമ്പുരാൻ- 3.78M
- ആവേശം- 3.02M
- ആടുജീവിതം- 2.92M
- പ്രേമലു- 2.44M
- എആര്എം- 1.89M
8.മാര്ക്കോ- 1.8M - ഗുരുവായൂര് അമ്പലനടയില്- 1.7M
- നേര്- 1.6M
കെ ആര് സുനിൽ സംവിധായകൻ തരുൺ എന്നിവർ ചേർന്നാണ് ചിത്രത്തിന് തിരക്കഥയൊരുക്കിയിട്ടുള്ളത്. ഷണ്മുഖൻ എന്ന ടാക്സി ഡ്രൈവർ കഥാപാത്രത്തെയാണ് മോഹൻലാൽ അവതരിപ്പിച്ചിരിക്കുന്നത്. ലളിത എന്ന വീട്ടമ്മയായി നായികാ കഥാപാത്രമായി ശോഭന എത്തിയപ്പോൾ ഫര്ഹാൻ ഫാസില്, മണിയൻപിള്ള രാജു, ബിനു പപ്പു, ഇര്ഷാദ് അലി, ആര്ഷ കൃഷ്ണ പ്രഭ, പ്രകാശ് വര്മ, അരവിന്ദ് എന്നിവരും കഥാപാത്രങ്ങളായി ഉണ്ട്.
തുടരും-ന് മറ്റൊരു പേര് കൂടി ആലോചിച്ചിരുന്നുവെന്ന് ഒരഭിമുഖത്തിൽ വെളിപ്പെടുത്തിയിരുന്നു തരുണ് മൂര്ത്തി. വിന്റേജ് എന്ന പേരായിരുന്നു മോഹൻലാല് ചിത്രത്തിനായി ആലോചിച്ചിരുന്നത്. സിനിമയുമായി ചേര്ന്നുനില്ക്കുന്ന പേരാണ് തുടരും. എന്ത് പ്രശ്നങ്ങള് സംഭവിച്ചാലും ഒരാളുടെ ജീവിതം തുടരും എന്ന ഫോര്മാറ്റിലാണ് തുടരും എന്ന് പേര് നല്കിയത്. അവസാന ഷെഡ്യൂള് ആയപ്പോള് വിനറേജ് എന്നൊരു സജഷൻസ് ഉണ്ടായി. എന്നാല് മോഹൻലാല് വിന്റേജിലേക്ക് തിരിച്ചുവരുന്നു എന്ന് നമ്മള് പറയുന്നതു പോലെയാകും. വിന്റേജ് മോഹൻലാലിനെ തിരിച്ചുകൊണ്ടുവരാനല്ല സിനിമ. വിന്റേജ് എന്ന പേര് ലാലേട്ടനോട് പറഞ്ഞപ്പോള് എന്തിനാ മോനേ മനോഹരമായ തുടരും എന്ന വാക്കുള്ളപ്പോള് മറ്റൊരു പേര് എന്ന് ചോദിച്ചു. അങ്ങനെ ആ പേര് ഉറപ്പിക്കുകയായിരുന്നുവെന്നും പറയുന്നു തരുണ് മൂര്ത്തി.
വൻ തുകയ്ക്കാണ് ഹോട്സ്റ്റാര് ചിത്രത്തിന്റെ ഒടിടി റൈറ്റ്സ് നേടിയിരിക്കുന്നത് എന്നുമാണ് റിപ്പോര്ട്ട്. തുടരുമിലെ പ്രമേയത്തിലെ ഓരോ രംഗത്തെ കുറിച്ചും വലിയ കൗതുകമായിരുന്നു മോഹൻലാലിന് എന്ന് സംവിധായകൻ തരുണ് മൂര്ത്തി വ്യക്തമാക്കിയിരുന്നു. കഥ കേട്ടപ്പോള് ആവേശഭരിതനായെന്നാണ് മോഹൻലാല് പറഞ്ഞത് എന്നും ചര്ച്ചയായി മാറിയ തുടരും സംവിധായകൻ തരുണ് മൂര്ത്തി വെളിപ്പെടുത്തി. നായകൻ മോഹൻലാലിന്റെ ലുക്കുകള് നേരത്തെ ചിത്രത്തിലേതായി പുറത്തുവിട്ടത് റിലീസിനു മുന്നേ ശ്രദ്ധയാകര്ഷിച്ചിരുന്നു.
