ഭുവനേശ്വര്: ഒഡീഷയില് മുതലയുടെ ആക്രമണത്തില് യുവതി കൊല്ലപ്പെട്ടു. തന്ലാഡിയ ഗ്രാമത്തിലെ കാജല് മൊഹന്തിയ എന്ന യുവതിയാണ് കൊല്ലപ്പെട്ടത്. ഭിതര്കനിക ദേശീയോദ്യാനത്തിന് സമീപമത്തുളള പുഴയിൽ കുളിക്കുന്നതിനിടെയാണ് ആക്രമണം നടന്നത്. കാജല് മൊഹന്തിയെ മുതല ആഴങ്ങളിലേക്ക് വലിച്ചിഴച്ചു കൊണ്ടുപോവുകയായിരുന്നു.
ആക്രമണം നടന്ന ഉടൻ തന്നെ നാട്ടുകാര് നദിയിലില് തിരച്ചില് നടത്തിയെങ്കിലും യുവതിയെ കണ്ടെത്താനായില്ല. മരിച്ച യുവതിയുടെ കുടുംബത്തിന് നഷ്ടപരിഹാരമായി ഒരു തുക നല്കുമെന്ന് ഫോറസ്റ്റ് റേഞ്ച് ഓഫീസര് ചിത്തരഞ്ജന് ബ്യൂറ അറിയിച്ചു. പുതുക്കിയ മാനദണ്ഡങ്ങള് അനുസരിച്ച് 10 ലക്ഷം രൂപ നഷ്ടപരിഹാരം വനംവകുപ്പും കുടുംബത്തിന് കൈമാറും.
