കോഴിക്കോട്: സൗഹൃദം വേര്പ്പെടുത്തിയതിന്റെ പേരില് യുവതിയെ കുത്തിപ്പരിക്കേല്പ്പിച്ച മധ്യവയസ്ക്കൻ പിടിയില്. കോഴിക്കോട് ചക്കുകടവ് സ്വദേശി സലിം (56) നെയാണ് നല്ലളം പോലീസ് അറസ്റ്റ് ചെയ്തത്. കള്ളിക്കുന്ന് സ്വദേശിനി ജംഷീലയ്ക്കാണ് കുത്തേറ്റത്. വീടിന് സമീപത്തായുള്ള ഒുടുമ്പ്ര ബസ് സ്റ്റോപ്പിന് സമീപം നില്ക്കുകയായിരുന്ന യുവതിയുടെ അടുത്ത് എത്തിയ ഇയാള് കുത്തി വീഴ്ത്തുകയായിരുന്നു.
ജംഷീനയുടെ നിലവിളി കേട്ട് ഓടിയെത്തിയ പ്രദേശവാസികളാണ് ഇവരെ ആശുപത്രിയില് എത്തിച്ചത്. ജംഷീലയും സലീമും സുഹൃത്തുക്കളായിരുന്നു. എന്നാല് ലഹരിക്കേസില് ഇയാൾ ജയിലിലായതിനെ തുടര്ന്ന് യുവതി ഇയാളുമായുള്ള സൗഹൃദം ഉപേക്ഷിച്ചു. ഇതാണ് ആക്രമണത്തിന് കാരണമായതെന്നാണ് സംശയം. ഗുരുതരമായി പരിക്കേറ്റ യുവതിയെ കോഴിക്കോട് മെഡിക്കല് കോളേജ് ആശുപത്രിയില് പ്രവേശിപ്പിച്ചു. കോടതിയില് ഹാജരാക്കിയ പ്രതിയെ റിമാന്റ് ചെയ്തു.
