November 8, 2024 - Whiteswan TV News

പി പി ദിവ്യ ജയില്‍ മോചിതയായി; കൃത്യമായ അന്വേഷണം വേണമെന്ന് പ്രതികരണം

November 8, 2024

കണ്ണൂര്‍ മുന്‍ എഡിഎം നവീന്‍ ബാബുവിന്റെ ആത്മഹത്യയുമായി ബന്ധപ്പെട്ട കേസില്‍ റിമാന്‍ഡില്‍ കഴിഞ്ഞിരുന്ന സിപിഐഎം നേതാവ് പി പി ദിവ്യ ജയില്‍ മോചിതയായി. തലശേരി സെഷന്‍സ് കോടതി ജാമ്യം അനുവദിച്ചതോടെയാണ് ദിവ്യയ്ക്ക് ജയില്‍ മോചനം സാധ്യമായത്. 11 ദിവസമാണ് ദിവ്യയ്ക്ക് ജയിലില്‍ കഴിയേണ്ടി വന്നത്. കേസില്‍ തന്റെ നിലപാട് ആവര്‍ത്തിക്കുന്ന പ്രതികരണമാണ് ജയിലിന് പുറത്തിറങ്ങിയ ദിവ്യ നടത്തിയത്. നവീന്‍ ബാബുവിന്റെ മരണത്തില്‍ വളരെയധികം ദുഖമുണ്ടെന്ന് ദിവ്യ പറഞ്ഞു. നവീന്‍ ബാബുവിന്റെ കുടുബം ആഗ്രഹിക്കുന്നത് പോലെ വിഷയത്തില്‍ കൃത്യമായ […]

പുഴുവരിച്ച ഭക്ഷ്യവസ്തുക്കൾ; വിജിലൻസ് അന്വേഷണത്തിന് ഉത്തരവിട്ട് മുഖ്യമന്ത്രി

November 8, 2024

വയനാട് ജില്ലയിലെ മേപ്പാടി ഗ്രാമപഞ്ചായത്ത് പുഴുവരിച്ച അരിയും ഭക്ഷ്യവസ്തുക്കളും വിതരണം ചെയ്തു എന്ന സംഭവത്തിൽ വിജിലൻസ് അന്വേഷണത്തിന് മുഖ്യമന്ത്രി പിണറായി വിജയൻ ഉത്തരവിട്ടു. മേപ്പാടി പഞ്ചായത്തിലെ ചൂരൽമല ഉരുൾപൊട്ടൽ ദുരന്തബാധിതർക്ക് ലഭിച്ച ഭക്ഷ്യവസ്തുക്കൾ പുഴുവരിച്ച നിലയിൽ കണ്ടെത്തിയ വാർത്തയുടെ പശ്ചാത്തലത്തിലാണ് അന്വേഷണം. സംഭവവുമായി ബന്ധപ്പെട്ട് ചീഫ് സെക്രട്ടറി മുഖ്യമന്ത്രിക്ക് കുറിപ്പ് നൽകിയിരുന്നു. തുടർന്നാണ് അന്വേഷണത്തിന് ഉത്തരവിട്ടത്. പഞ്ചായത്ത് വിതരണം ചെയ്തത് പഴയ സ്റ്റോക്ക് ആണോ ലഭ്യമായ ഭക്ഷ്യധാന്യങ്ങൾ ഏതെങ്കിലും തരത്തിൽ മാറ്റിയോ എന്നിങ്ങനെയുള്ള കാര്യങ്ങളും അന്വേഷണ വിധേയമാക്കും. […]

കായിക മേളയിൽ പാലക്കാടും മലപ്പുറവും ഇഞ്ചോടിഞ്ച്‌ പോരാട്ടം

November 8, 2024

സംസ്ഥാന സ്കൂൾ കായിക മേളയിലെ അത്‌ലറ്റിക് മീറ്റിന്റെ ആദ്യദിനത്തിൽ ഇഞ്ചോടിഞ്ച് പോരാട്ടമാണ് പാലക്കാടും മലപ്പുറവും തമ്മിൽ നടന്നത്. മത്സരം രണ്ടാം ദിനത്തിലെത്തുമ്പോൾ പാലക്കാടിനേക്കാൾ വെറും ഒരു പോയിന്റിന് മുന്നിലാണ് മലപ്പുറം. നാല് സ്വർണവും രണ്ട് വെള്ളിയും നാല് വെങ്കലവുമായി 30 പോയിന്റുകളോടെയാണ് മലപ്പുറം ഒന്നാം സ്ഥാനത്ത് എത്തിയത്. പാലക്കാടിന് 29 പോയിന്റാണ് ഉള്ളത്. നാലു സ്വർണവും ഒരു വെള്ളിയും ആറ് വെങ്കലവുമാണ് പാലക്കാടിന്റെ കൈവശം ഉള്ളത്. മൂന്നാം സ്ഥാനത്ത് എറണാംകുളവും നാലാം സ്ഥാനത്ത് തിരുവനന്തപുരവുമാണ്.

നടൻ പി. ശ്രീകുമാറിന്റെ മകൾ ദേവി കൃഷ്ണകുമാർ സിനിമയിലേക്ക്

November 8, 2024

പി.ആർ.സുമേരൻ കൊച്ചി : മലയാളത്തിലെ പ്രമുഖ നടനും, സംവിധായകനുമായ പി.ശ്രീകുമാറിൻ്റെ മകൾ ദേവി കൃഷ്ണകുമാർ അഭിനയ രംഗത്ത് ചുവടുവെയ്ക്കുന്നു. ദേവി ആദ്യമായി അഭിനയിക്കുന്ന പുതിയ ചിത്രം ‘കള്ളം’ ഈ മാസം അവസാനം തിയേറ്ററിലെത്തും. 1968 ൽ ‘കണ്ണൂർ ഡീലക്സ് ‘എന്ന ചിത്രത്തിലൂടെ മലയാള സിനിമ രംഗത്തേക്ക് കടന്നു വന്ന് അഭിനയം, എഴുത്ത്, സംവിധാനം, നിർമ്മാണം തുടങ്ങി സർവ്വ മേഖലയിലും തന്റേതായ ഇരിപ്പിടം കണ്ടെത്തി ഇന്നും മലയാള സിനിമയിലെ നിറ സാന്നിധ്യമായി തുടരുകയാണ് നടൻ പി.ശ്രീകുമാർ. കാമിയോ എന്റർടൈൻമെന്റ്സിന്റെ […]

ആർട്ടിക്കിൾ 370 പിൻവലിച്ചത് അംബേദ്കർക്കുള്ള ആദരം: മോദി

November 8, 2024

ജമ്മു – കശ്മീരിന്റെ പ്രത്യേക പദവി പുനഃസ്ഥാപിക്കില്ല എന്നും ആർട്ടിക്കിൾ 370 പിൻവലിച്ചത് അംബേദ്കർക്കുള്ള ആദരമാണെന്നും പ്രധാനമന്ത്രി നരേന്ദ്ര മോദി. മഹാരാഷ്ട്രയിലെ നാസിക്കിൽ തെരഞ്ഞെടുപ്പ് റാലിയിൽ സംസാരിക്കുകയായിരുന്നു അദ്ദേഹം. കർണാടകയിലും തെലങ്കാനയിലും ഹിമാചൽ പ്രദേശിലും കോൺഗ്രസ് അധികാരത്തിൽ വന്നത് നുണ പ്രചരിപ്പിച്ചാണ്. അധികാരത്തിൽ വന്നതിനു ശേഷം വാഗ്‌ദാനങ്ങൾ മറന്നു. പൊതു ഖജനാവ് കാലിയാക്കി. സാമൂഹികമായി പിന്നോക്കം നിൽക്കുന്ന വിഭാഗങ്ങൾ തമ്മിൽ സ്പർദ്ധ വളർത്തി. കോൺഗ്രസ് ഭരണം അഴിമതി വർധിപ്പിച്ചു. കോൺഗ്രസ് ഭരണഘടനയെ അപമാനിക്കുകയാണ് എന്നും മോദി വിമർശിച്ചു. […]

അലിഗഢ് സര്‍വകലാശാല ന്യൂനപക്ഷ സ്ഥാപനം തന്നെ: സുപ്രീം കോടതി

November 8, 2024

ന്യൂഡല്‍ഹി: അലിഗഢ് സര്‍വകലാശാല ന്യൂനപക്ഷ വിദ്യാഭ്യാസ സ്ഥാപനമല്ലെന്ന വിധി റദ്ദാക്കി സുപ്രീം കോടതി. ന്യൂനപക്ഷ സ്ഥാപനമാണോ എന്നത് അതിന്റെ സ്ഥാപകര്‍ ആര് എന്നതിനെ അടിസ്ഥാനമാക്കിയാണെന്നും നിയമപ്രകാരം സ്ഥാപിച്ചുവെന്നത് കൊണ്ട് ഒരു സ്ഥാപനത്തിന്റെ ന്യൂനപക്ഷ പദവി നഷ്ടമാകുന്നില്ലെന്നും വിധിയില്‍ പറഞ്ഞു. 1967ല്‍ സുപ്രീം കോടതിയുടെ അഞ്ചംഗ ഭരണഘടന ബെഞ്ച് പുറപ്പെടുവിച്ച കേസിലെ വിധിയാണ് ഏഴംഗ ബെഞ്ച് റദ്ദാക്കിയത്. ബെഞ്ചിലെ നാല് പേര്‍ സര്‍വ്വകാലശാലയുടെ ന്യൂനപക്ഷ പദവിയെ അനുകൂലിച്ചപ്പോള്‍ മൂന്ന് പേര്‍ ഭിന്ന വിധിയെഴുതി. വിദ്യാഭ്യാസ സ്ഥാപനങ്ങള്‍ക്ക് ന്യൂനപക്ഷ പദവിക്ക് […]

തീവ്രവാദ ബന്ധം; സൗദിയിൽ മൂന്ന് പേർക്ക് വധശിക്ഷ

November 8, 2024

ജിദ്ദ: സൗദി അറേബ്യയിൽ തീവ്രവാദ സംഘടന രൂപീകരിക്കുകയും സുരക്ഷാ ഉദ്യോഗസ്ഥരെ കൊല്ലാൻ പദ്ധതിയിടുകയും ചെയ്ത മൂന്ന് പേരുടെ വധശിക്ഷ നടപ്പാക്കിയെന്ന് സ്ഥിരീകരിച്ച് സൗദി ആഭ്യന്തര മന്ത്രാലയം. ഒരേ കുടുംബത്തിൽ പെട്ട പ്രതികൾ മൂന്ന് പേരും തീവ്രവാദ പരിശീലനം നേടിയിരുന്നു. സ അദ് ബിൻ ബഷീർ അൽ റുവൈലി, സ അദ് ബിൻ മുസ്‌നദ് അൽ റുവൈലി, നയേൽ ബിൻ ദബൽ അൽ റുവൈലി എന്നിവരാണ് വധശിക്ഷക്ക് വിധേയരായത്. അൽ- ജൗഫ് മേഖലയിൽ നടന്ന വധശിക്ഷക്ക് കാരണം സുരക്ഷാ […]

സൂസി വൈൽസ്‌ ; ആദ്യവനിത വൈറ്റ് ഹൗസ് ചീഫ് ഓഫ് സ്റ്റാഫ്

November 8, 2024

ഡൊണള്‍ഡ് ട്രംപിന്റെ തെരഞ്ഞെടുപ്പ് ക്യാമ്പയിൻ മാനേജറായിരുന്ന സൂസി വൈൽസിനെ വൈറ്റ് ഹൗസ് ചീഫ് ഓഫ് സ്റ്റാഫായി തെരഞ്ഞെടുത്തു. നിയുക്ത അമേരിക്കൻ പ്രസിഡന്റ് ആയ ഡൊണള്‍ഡ് ട്രംപാണ് ഈ സ്ഥാനത്തേക്ക് സൂസി വൈൽസിനെ തെരഞ്ഞെടുത്തത്. അമേരിക്കയുടെ ചരിത്രത്തിൽ ആദ്യമായാണ് ഒരു വനിത ഈ സ്ഥാനത്തേക്ക് എത്തുന്നത്. രാഷ്ട്രീയത്തിൽ മഹത്തായ വിജയങ്ങൾ കൈവരിക്കാൻ എന്നെ സഹായിച്ച ആളാണ് ലൂസിയെന്നും പ്രചാരണങ്ങളിൽ നിർണായക പങ്ക് വഹിച്ചിരുന്നുവെന്നും ട്രംപ് പറഞ്ഞു. ട്രംപിന്റെ വിശ്വസ്ത എന്ന നിലയിൽ സൂസി വൈൽസ് രാജ്യ വ്യാപകമായി അംഗീകരിക്കപ്പെട്ടിട്ടുണ്ട്. […]

ഉമ്മയുമായി ജയിലില്‍വെച്ചുളള കൂടിക്കാഴ്ചയ്ക്ക് മനസ്സ് അനുവദിച്ചില്ല: അബ്ദുള്‍ റഹീം

November 8, 2024

റിയാദ്: ഉമ്മയെ ജയിലില്‍ വെച്ച് കാണാന്‍ അനുവദിക്കാത്തതിന്റെ കാരണം തുറന്ന് പറഞ്ഞ് സൗദി ജയിലില്‍ കഴിയുന്ന അബ്ദുള്‍ റഹീം. ഉമ്മയെ ജയിലില്‍ വെച്ച് കാണാന്‍ മനസ് അനുവദിക്കാത്തത് കൊണ്ടാണ് കാണാന്‍ സമ്മതിക്കാതിരുന്നതെന്ന് റിയാദിലുള്ള സുഹൃത്തുക്കളോട് ഫോണിലൂടെ റഹീം പറഞ്ഞു. ഉമ്മ വന്നെന്ന് അറിഞ്ഞപ്പോള്‍ തന്നെ എനിക്ക് രക്തസമ്മര്‍ദ്ദം ഉയരുന്നതിന്റെ ലക്ഷണമുണ്ടായെന്നും റഹീം പറഞ്ഞു. 18 വര്‍ഷമായി ഞാന്‍ ജയിലില്‍ ആണെങ്കിലും ഉമ്മ എന്നെ അഴിക്കുള്ളില്‍ വെച്ച് ജയില്‍ യൂണിഫോമില്‍ കണ്ടിട്ടില്ല. ഫോണില്‍ സംസാരിക്കാറുണ്ടെങ്കിലും ഉമ്മ തന്റെ നിലവിലെ […]

കെഎസ്‌ആർടിസിക്ക്‌ 30 കോടി രൂപകൂടി അനുവദിച്ചു

November 8, 2024

തിരുവനന്തപുരം: കെഎസ്‌ആർടിസിക്ക്‌ 30 കോടി രൂപകൂടി സർക്കാർ അനുവദിച്ചതായി ധനകാര്യ മന്ത്രി കെ എൻ ബാലഗോപാൽ അറിയിച്ചു. കഴിഞ്ഞ ആഴ്‌ചയിൽ 20 കോടി നൽകിയിരുന്നു. പ്രതിമാസ 50 കോടി രൂപ വീതമാണ്‌ കോർപറേഷന്‌ സർക്കാർ സഹായമായി നൽകുന്നത്‌. ഈ വർഷം ബജറ്റിൽ 900 കോടി രൂപയാണ്‌ കെഎസ്‌ആർടിസിക്ക്‌ വകയിരുത്തിയത്‌. ഇതിനകം 1111 കോടി നൽകി. ഈ സർക്കാർ ഇതുവരെ 6100 കോടി രൂപ കെഎസ്‌ആർടിസിക്കായി അനുവദിച്ചു.