ന്യൂയോര്ക്ക്: പശ്ചിമേഷ്യന് യുദ്ധം 3 കോടിയിലധികം ജനങ്ങളെ അതിദാരിദ്ര്യത്തിലേക്കു തള്ളിവിടുമെന്നും സംഘര്ഷത്തിന്റെ പ്രത്യാഘാതങ്ങള് വരും മാസങ്ങളില് ഭക്ഷ്യക്ഷാമമുണ്ടാക്കുമെന്നും മുന്നറിയിപ്പുമായി ഐക്യരാഷ്ട്രസഭ.
ഹോര്മുസ് കടലിടുക്കില് ചരക്കു ഗതാഗതം തുടര്ച്ചയായി തടസ്സപ്പെട്ടതുമൂലം ഇന്ധന വള വിതരണത്തിലുണ്ടായ പ്രതിസന്ധി കാര്ഷിക ഉത്പാദനം വലിയ രീതിയില് കുറച്ചു. ഈ വര്ഷം അവസാനത്തോടെ നടക്കുന്ന വിളവെടുപ്പുകളിലെല്ലാം ഈ കുറവ് ഉണ്ടാകുമെന്ന് യുഎന് വികസന മേധാവി അലക്സാണ്ടര് ഡി ക്രൂ അറിയിച്ചു. വൈകാതെ ക്ഷാമം രൂക്ഷമാകുമെന്നും ഞങ്ങള് നിസ്സഹായരാണെന്നും ഐക്യരാഷ്ട്രസഭ പ്രതികരിച്ചു.
