പാതിവില തട്ടിപ്പിൽ രണ്ടാംപ്രതി സായിഗ്രാം ഗ്ലോബൽ ഫൗണ്ടേഷൻ എക്സിക്യൂട്ടീവ് ഡയറക്ടർ കെ.എൻ. ആനന്ദകുമാറിന്റെ മുൻകൂർ ജാമ്യാപേക്ഷ ഇന്നു തിരുവനന്തപുരത്തു കോടതി പരിഗണിക്കും. ഇത് വരെ സംസ്ഥാനത്ത 600 കേസുകൾ റജിസ്റ്റർ ചെയ്തു. അതിൽ 350 എണ്ണം ക്രൈംബ്രാഞ്ചിന് ഇന്നു കൈമാറിയേക്കും.

അതേസമയം അക്കൗണ്ടിൽ പണം സ്വീകരിച്ച അനന്തു കൃഷ്ണനാണു തട്ടിപ്പിന്റെ മുഴുവൻ ഉത്തരവാദിത്തമെന്നാണു ജാമ്യാപേക്ഷയിൽ അവകാശപ്പെടുന്നത്. കണ്ണൂർ സീഡ് സൊസൈറ്റിയിലെ വനിതാ അംഗങ്ങൾക്ക് പകുതി വിലയിൽ ടു വീലർ വാഗ്ദാനം ചെയ്ത് 2.96 കോടി രൂപ തട്ടിയെടുത്തുവെന്ന കേസാണു പരിഗണിക്കുന്നത്.