തൃശ്ശൂര്: 64ാമത് കേരള സ്കൂള് കലോത്സവത്തിന് ഇന്ന് തുടക്കമാകും. 250 ഇനങ്ങളില് പതിനയ്യായിരം കൗമാരപ്രതിഭകള് 25 വേദികളിലായി അരങ്ങിലെത്തും. തേക്കിന്കാട് മൈതാനിയിലെ ‘സൂര്യകാന്തി’ എന്ന പ്രധാന വേദിയില് രാവിലെ 10 മണിക്ക് മുഖ്യമന്ത്രി കലോത്സവം ഉദ്ഘാടനം ചെയ്യും.
ഇന്ന് മുതല് 18വരെയാണ് 64ാമത് സംസ്ഥാന സ്കൂള് കലോത്സവം നടക്കുക. 25 വേദികളിലായാണ് മത്സരം. പൂക്കളുടെ പേരുകള് നല്കിയ വേദികളാണ് കലോത്സവ വേദിയുടെ മുഖ്യആകര്ഷണം.
അതേസമയം വേദികളുടെ പേരുകളില് താമര ഒഴിവാക്കിയത് നേരത്തെ വിവാദമായിരുന്നു. യുവമോര്ച്ചയടക്കം താമരയുമായി പ്രതിഷേധിച്ചിരുന്നു.
മറ്റെല്ലാ പൂക്കളുടെയും പേരും നല്കിയപ്പോള് താമര ഒഴിവാക്കിയത് രാഷ്ട്രീയമാണെന്ന ആരോപണവും ഉയര്ന്നിരുന്നു.
എന്നാല്, സംഭവം വിവാദമായതോടെ വേദി 15ന് താമര എന്ന പേരിടുകയായിരുന്നു. വേദി ഒന്നിന് ആദ്യം നല്കിയ ഡാലിയ എന്ന പേര് മാറ്റി താമര എന്ന് നല്കിയതായും വിവാദങ്ങള് ഒഴിവാക്കുമെന്നുമായിരുന്നു കഴിഞ്ഞ ദിവസം മന്ത്രി ശിവന്കുട്ടി വ്യക്തമാക്കിയത്. വേദിക്ക് താമര എന്ന പേര് നല്കാനുള്ള തീരുമാനത്തെ ബിജെപി സ്വാഗതം ചെയ്തിരുന്നു.
