വാഷിങ്ടന് : യുഎസിലെ ഫ്ലോറിഡ സര്വകലാശാലയില് വിദ്യാര്ഥി നടത്തിയ വെടിവയ്പ്പില് രണ്ടുപേര് കൊല്ലപ്പെട്ടു. 6 പേരെ പരുക്കുകളോടെ ആശുപത്രിയില് പ്രവേശിപ്പിച്ചു. പൊലീസ് ഉദ്യോഗസ്ഥയായിരുന്ന അമ്മയുടെ തോക്ക് ഉപയോഗിച്ചാണ് ഇരുപതുകാരന് വെടിയുതിര്ത്തത്. അക്രമിയായ വിദ്യാര്ഥിയെ പൊലീസ് വെടിവച്ച് കീഴ്പ്പെടുത്തി. പരുക്കേറ്റവരുടെ നില ഗുരുതരമാണ്.
വെടിവെയ്പ്പിനെ തുടര്ന്ന് വിദ്യാര്ഥികളോടും അധ്യാപകരോടും ജീവനക്കാരോടും സുരക്ഷിത സ്ഥാനങ്ങളില് അഭയം തേടാന് സര്വകലാശാല ആവശ്യപ്പെട്ടു. രണ്ടു ദിവസത്തെ എല്ലാ ക്ലാസുകളും സര്വകലാശാല റദ്ദാക്കി.
