പത്തനംതിട്ട: പത്തനംതിട്ടയിൽ 14 വയസുകാരി ഗർഭിണിയായ സംഭവത്തിൽ അച്ഛന്‍ അറസ്റ്റിൽ. കട്ടപ്പന സ്വദേശിയായ 43 കാരനാണ് അറസ്റ്റിലായത്. റാണിറ്റിലെ സ്വകാര്യ ലാബിൽ ഗർഭം സ്ഥിരീകരിച്ചതിനെത്തുടർന്ന് ലാബ് അധികൃതർ പോലീസിൽ വിവരം അറിയിക്കുകയായിരുന്നു. 7 ആഴ്ച ഗർഭിണിയാണ് എട്ടാം ക്ലാസുകാരി.

വയറ് വേദനയെ തുടര്‍ന്ന് റാന്നിയിലെ സ്വകാര്യ ആശുപത്രിയില്‍ ചികിത്സ തേടി. ലാബിൽ പരിശോധന നടത്തി ഗർഭിണി ആണെന്ന് സ്ഥിരീകരിച്ചു. തുടർന്ന് ലാബ് അധികൃതർ വിവരം പോലീസിനെ അറിയിക്കുകയും കുട്ടിയുടെ അച്ഛനെ പോലീസിൽ കസ്റ്റഡിയിലെടുക്കുകയുമായിരുന്നു. പ്രതിയുടെ ചോദ്യം ചെയ്യൽ പുരോഗമിക്കുകയാണ്. കുട്ടിക്ക് കൗൺസലിംഗ് നല്‍കുമെന്ന് പോലീസ് അറിയിച്ചു.