തിരുവനന്തപുരം: പുലിപ്പല്ല് കേസിൽ വേടന്റെ അറസ്റ്റ് വിഷയത്തിൽ ഉദ്യോഗസ്ഥർക്കെതിരെ നടപടിക്കൊരുങ്ങി വനം വകുപ്പ്. അറസ്റ്റ് സംബന്ധിച്ച് മുന്നണിയിലെ പല രാഷ്ട്രീയ കക്ഷികളും നിലപാട് കടുപ്പിക്കുകയും രൂക്ഷ വിമർശനവും ഉയർന്ന സാഹചര്യതയിലാണ് വനം വകുപ്പിനെതിരെ മന്ത്രി റിപ്പോർട്ട് തേടിയത്.
മുഖ്യമന്ത്രിയുടെയും കൂടി നിർദേശ പ്രകാരമാണ് നീക്കങ്ങൾ എന്നാണ് വിവരം
വനംമന്ത്രി വനംവകുപ്പ് മേധാവിയോട് ഇന്ന് റിപ്പോർട്ട് നൽകാനാണ് നിർദേശിച്ചിരിക്കുന്നത്. റിപ്പോർട്ട് ലഭിച്ചാലുടൻ ഉദ്യോഗസ്ഥർക്കെതിരെ നടപടിയെടുത്തേക്കും. വേടന്റെ അറസ്റ്റിലും തുടർ നടപടയിലും തിടുക്കം കാണിച്ചതിന് വനം വകുപ്പിനെതിരെയും മന്ത്രിക്കെതിരെയും രൂക്ഷവിമർശനം ഉയർന്നിരുന്നു.
വേടന്റെ ജാമ്യാപേക്ഷയെ വനംവകുപ്പ് എതിര്ത്തിരുന്നു. വേടന് രാജ്യം വിട്ട് പോകാന് സാധ്യതയുണ്ടെന്നും തെളിവ് നശിപ്പിക്കാന് സാധ്യതയുണ്ടെന്നുമായിരുന്നു വനംവകുപ്പിന്റെ വാദം. എന്നാല് രാജ്യം വിട്ട് പോകില്ലെന്ന് വേടന് കോടതിയില് വ്യക്തമാക്കിയിരുന്നു. പിന്നാലെ അന്വേഷണവുമായി സഹകരിക്കണം, കേരളം വിട്ടു പുറത്തു പോകരുത്, ഏഴുദിവസത്തിനുള്ളില് പാസ്പോര്ട്ട് കോടതിയില് സമര്പ്പിക്കണം, എല്ലാ വ്യാഴാഴ്ചയും അന്വേഷണ ഉദ്യോഗസ്ഥന് മുന്നില് ഹാജരാകണം തുടങ്ങിയ കര്ശന ഉപാധികളോടെ കോടതി വേടന് ജാമ്യം അനുവദിക്കുകയായിരുന്നു.
