ശ്രീനഗര്: ജമ്മു-കശ്മീരിലെ പൂഞ്ചില് ബസ് താഴ്ചയിലേക്ക് മറിഞ്ഞ് രണ്ട് മരണം. 25 പേര്ക്ക് പരിക്കേറ്റു. പൂഞ്ച് ജില്ലയിലെ ഘാനി മെന്ദര് ഏരിയയിലാണ് അപകടം ഉണ്ടായത്. ഘാനിയില് നിന്നും മെന്ദറിലേക്ക് പോവുകയായിരുന്ന ബസ് ചൊവ്വാഴ്ച രാവിലെ 9.20-ഓടെയാണ് അപകടത്തില് പെട്ടത്. നിയന്ത്രണം നഷ്ടപ്പെട്ട ബസ് താഴ്ചയിലേക്ക് മറിയുകയായിരുന്നു.
പ്രദേശവാസികളും സിആര്പിഎഫ് ജവാന്മാരും പോലീസും ചേര്ന്നാണ് രക്ഷാപ്രവര്ത്തനം നടത്തിയത്. പരിക്കേറ്റവരെ മെന്ദര് ജില്ലാ ആശുപത്രിയില് പ്രവേശിപ്പിച്ചു. പരിക്കേറ്റവരില് ഒമ്പതുപേരുടെ നില ഗുരുതരമാണ്.
