ലാഹോര്: പാക് പഞ്ചാബില് അടിയന്തരാവസ്ഥ പ്രഖ്യാപിച്ച് മുഖ്യമന്ത്രി മറിയം നവാസ്. ഇന്ത്യന് മിസൈല് ആക്രമണങ്ങളുടെ പശ്ചാത്തലത്തിലാണ് നടപടി. എല്ലാ വിദ്യാഭ്യാസ സ്ഥാപനങ്ങളും അടച്ചുപൂട്ടാനും ഉത്തരവുണ്ട്.
‘ഡോക്ടര്മാരുടെയും മെഡിക്കല് സ്റ്റാഫുകളുടെയും അവധികളും റദ്ദാക്കിയിട്ടുണ്ട്, അവധിയില്പോയ സിവില് ഡിഫന്സ് ഉദ്യോഗസ്ഥരെയും തിരികെ വിളിച്ചിട്ടുണ്ട്,” ആശുപത്രികളും രക്ഷാ സേവനങ്ങളും അതീവ ജാഗ്രത പാലിക്കണമെന്ന നിര്ദേശവും നല്കിയിട്ടുണ്ട്. ്.
പാകിസ്താനിലെ ബഹവല്പൂര്, കോട്ലി, മുസാഫറാബാദ്, ബാഗ്, മുരിദ്കെ എന്നീ സ്ഥലങ്ങളില് ഇന്ത്യന് സൈന്യം വ്യോമാക്രമണം നടത്തിയതായി പാകിസ്താന് സൈന്യം സ്ഥിരീകരിച്ചതിന് ശേഷമാണ് പ്രഖ്യാപനം.
പാകിസ്താന്റെ ഒന്പത് ഭീകര താവളങ്ങളാണ് ഇന്ന് പുലര്ച്ചയോടെ ഇന്ത്യന് സൈന്യം തകര്ത്തത്. ഓപ്പറേഷന് സിന്ദൂറിലൂടെ ജയ്ഷെ, ലഷ്കര് താവളങ്ങളാണ് ഇന്ത്യന് സേന തകര്ത്തത്. സൈന്യം തകര്ത്ത ബാവല്പൂരിലെ ജയ്ഷെ കേന്ദ്രം കൊടുംഭീകരന് മസൂദ് അസറിന്റെ പ്രധാന ഒളിത്താവളമാണ്. മുദ്രികെയിലെ ലഷ്കര് കേന്ദ്രങ്ങളിലും ആക്രമണം നടത്തി. മുദ്രികെ ഹാഫിസ് സയ്യിദിന്റെ കേന്ദ്രമാണ്. റഫാല് വിമാനങ്ങളില് നിന്ന് മിസൈല് തൊടുത്തായിരുന്നു ആക്രമണം. ഇന്ത്യയ്ക്കെതിരായ അതിര്ത്തി കടന്നുള്ള ഭീകരാക്രമണത്തില് പ്രധാന പങ്കുവഹിക്കുന്ന രണ്ട് കേന്ദ്രങ്ങളാണ് ബാവല്പൂരിലും മുദ്രികെയിലുമുള്ളത്. ഇന്ത്യന് സൈന്യത്തിന്റെ ലക്ഷ്യം കൊടും ഭീകരരുടെ കേന്ദ്രങ്ങളായതിനാലാണ് ഇരു കേന്ദ്രങ്ങളും തകര്ത്തത്.
