കൊച്ചി: കുറുപ്പംപടിയില് പ്രായപൂര്ത്തിയാകാത്ത രണ്ട് പെണ്കുട്ടികളെ പീഡപ്പിച്ച കേസിൽ അന്വേഷണ സംഘം കുറ്റപത്രം സമര്പ്പിച്ചു. പെരുമ്പാവൂര് എഎസ്പിയുടെ നേതൃത്വത്തിലുള്ള സംഘമാണ് കുറ്റപത്രം സമര്പ്പിച്ചത്. രണ്ടു കുറ്റപത്രങ്ങളായാണ് സമര്പ്പിച്ചത്.
കുട്ടികളുടെ അമ്മയുടെ ആണ് സുഹൃത്ത് ധനേഷ് രണ്ടു വര്ഷത്തോളം കുട്ടികളെ പീഡിപ്പിച്ചെന്നാണ് കണ്ടെത്തല്. കേസില് കുട്ടികളുടെ രഹസ്യ മൊഴിയും ക്ലാസ് ടീച്ചര് അടക്കമുള്ളവരുടെ മൊഴികളുമാണ് നിര്ണായകമായത്. കേസില് ശാസ്ത്രീയ തെളിവുകളും ലഭിച്ചിട്ടുണ്ട്.
പീഡന വിവരം മറച്ചു വച്ചതിന് അമ്മയ്ക്കെതിരെ മറ്റൊരു കേസ് രജിസ്റ്റര് ചെയ്തിരുന്നു. അമ്മയും ആണ് സുഹൃത്തും ചേര്ന്ന് മദ്യം നല്കിയ ശേഷമാണ് കുട്ടികളെ പീഡിപ്പിച്ചത്. കുട്ടികള് സഹപാഠികള്ക്ക് എഴുതിയ കത്തിലൂടെയാണ് പീഡന വിവരം പുറത്തായത്. നിലവില് പെണ്കുട്ടികൾ ശിശുക്ഷേമ സമിതിയുടെ ഷെല്ട്ടര് ഹോമിലാണ്.
