ബംഗളൂരു: പ്രാര്ത്ഥനക്കെത്തിയ യുവതിയെ പീഡിപ്പിച്ചെന്ന പരാതിയില് ക്ഷേത്രജീവനക്കാരന് അറസ്റ്റില്.തൃശ്ശൂര് പെരിങ്ങോട്ടുകരയിലെ
ക്ഷേത്രജീവനക്കാരന് അറസ്റ്റില്. ടി.എ. അരുണിനെയാണ് ബംഗളൂരു ബെല്ലന്തൂര് പൊലീസ് അറസ്റ്റുചെയ്തത്. ബംഗളൂരു സ്വദേശിനി നല്കിയ പരാതിയിലാണ് അറസ്റ്റ്. ഇയാള് ക്ഷേത്രത്തിലെ അസിസ്റ്റന്റ് പൂജാരിയാണെന്ന് പൊലീസ് പറഞ്ഞു.
ബംഗളൂരുവില് സ്വകാര്യസ്ഥാപനത്തില് ജോലിചെയ്യുന്ന 38-കാരിയുടെ പരാതിയിലാണ് അറസ്റ്റ്. ഭര്ത്താവ് മരിച്ചതിനെത്തുടര്ന്ന് പ്രശ്നങ്ങള് മാറാന് വഴിതേടി ക്ഷേത്രത്തിലെത്തിയതായിരുന്നു യുവതി. ആരോ മന്ത്രവാദംചെയ്തതാണ് പ്രശ്നകാരണമെന്നും ദുഷ്ടശക്തികളെ ഒഴിവാക്കാന് പൂജചെയ്യണമെന്നും അരുണ് ഉപദേശിച്ചു. തുടര്ന്ന് യുവതിയുടെ ഫോണ് നമ്പര് കൈക്കലാക്കിയ ഇയാള് വീഡിയോ കോള് ചെയ്യുകയും പിന്നീട് ക്ഷേത്രം സന്ദര്ശിച്ചപ്പോള് ലൈംഗികമായി ഉപദ്രവിക്കുകയുംചെയ്തെന്ന് പരാതിയില് പറയുന്നു.
ഇതിന്റെ വീഡിയോ പകര്ത്തുകയും ലൈംഗികാവശ്യത്തിനായി ഭീഷണിപ്പെടുത്തുകയും ചെയ്തു. യുവതിയുടെ രണ്ടുകുട്ടികള്ക്കെതിരേ മന്ത്രവാദംചെയ്യുമെന്ന് ഭീഷണിപ്പെടുത്തിയെന്നും പരാതിയില് പറയുന്നു. ജൂണ് 13-നാണ് യുവതി പൊലീസില് പരാതി നല്കിയത്. തുടര്ന്നായിരുന്നു അറസ്റ്റ്.
