ജെറുസലേം: ഗാസ മുനമ്പിലുടനീളം ഇസ്രയേല് നടത്തിയ ബോംബാക്രമണത്തില് 95 പലസ്തീനികള് കൊല്ലപ്പെട്ടു. ഗാസയിൽ വെടിനിർത്തൽ നടപ്പിലാക്കാൻ ലോകരാജ്യങ്ങളുടെ സമ്മർദ്ദം വർധിപ്പിക്കുന്ന സാഹചര്യത്തിലാണ് ഗാസയിലെ ആക്രമണം ഇസ്രയേൽ കടുപ്പിച്ചിരിക്കുന്നത്. ഗാസ സിറ്റിയിലും കടല്ത്തീരത്തുളള ഒരു കഫേയിലുമാണ് ആക്രമണമുണ്ടായത്. ഗാസ സിറ്റിയില് 62 പേരും കഫേയില് 30 പേരുമാണ് കൊല്ലപ്പെട്ടത്.
സ്ത്രീകളും കുട്ടികളും മാധ്യമപ്രവര്ത്തകരും കൊല്ലപ്പെട്ടവരില് ഉള്പ്പെടുന്നു. ആക്രമണത്തില് നിന്ന് രക്ഷപ്പെടാന് സ്കൂളുകളില് അഭയം തേടിയവരും ഭക്ഷണമുള്പ്പെടെയുളള സഹായം തേടിയിറങ്ങിയവരുമാണ് ആക്രമണത്തില് കൊല്ലപ്പെട്ടത്. ആശുപത്രിയെ ലക്ഷ്യമിട്ട് ഇസ്രയേല് നടത്തിയ ആക്രമണത്തില് നിരവധിപേര്ക്ക് പരിക്കേറ്റിരുന്നു.
