ആലപ്പുഴ: ഓമനപ്പുഴയില് അച്ഛന് മകളെ കൊലപ്പെടുത്തിയ കേസില് അമ്മ കസ്റ്റഡിയില്. കൊലപാതകത്തില് പങ്കുണ്ടോയെന്ന സംശയത്തെ തുടർന്ന് മണ്ണഞ്ചേരി പൊലീസാണ് ജെസി മോളെ കസ്റ്റഡിയിലെടുത്തത്. കൊലപാതകം മറച്ചുവെച്ചു, പൊലീസിനെ തെറ്റിദ്ധരിപ്പിക്കാന് ശ്രമിച്ചു തുടങ്ങിയ കാര്യങ്ങളായിരുന്നു ജെസിമോള്ക്കെതിരെ പൊലീസ് ചൂണ്ടിക്കാട്ടിയിരുന്നത്.
സംഭവത്തിൽ ജെസി മോളെയും ഭര്ത്താവ് ജോസിനെയും പൊലീസ് വിശദമായി ചോദ്യം ചെയ്യും. തിങ്കളാഴ്ച രാത്രിയാണ് ജാസ്മിന് (29) കൊല്ലപ്പെട്ടത്. ഭര്ത്താവുമായി പിണങ്ങി കഴിയുകയായിരുന്ന ജാസ്മിന് പതിവായി വീട്ടിലേക്ക് വൈകി വരുന്നതിനെ ചൊല്ലിയുള്ള തര്ക്കമാണ് കൊലപാതകത്തില് കലാശിച്ചത്.
പിതാവ് ജാസ്മിന്റെ കഴുത്ത് ഞെരിക്കുകയും അബോധാവസ്ഥയില് ആയതോടെ കഴുത്തില് തോര്ത്ത് കുരുക്കി മരണം ഉറപ്പാക്കുകയുമായിരുന്നുവെന്നാണ് പ്രാഥമിക വിവരം. മണിക്കൂറുകള് നീണ്ട ചോദ്യം ചെയ്യലിനിടെയാണ് കൊലപാതകത്തിലെ കൂടുതല് വിവരങ്ങള് ജോസ്മോന് പൊലീസിനോട് പങ്കുവെച്ചത്.
