സംവിധായിക ഐഷ സുൽത്താന വിവാഹിതയായി. അന്ത്രോത്ത്, അഗത്തി ദ്വീപുകളിലെ ഡെപ്യൂട്ടി കളക്ടറായിരുന്ന ഹർഷിത് സൈനിയാണ് വരൻ. ഇരുവരും ഏറെക്കാലമായി പ്രണയത്തിലായിരുന്നു. ഇരുവരുടേയും വിവാഹ രജിസ്ട്രേഷൻ ഡൽഹിയിൽ വെച്ചായിരുന്നു.

സാമൂഹ്യമാധ്യമങ്ങളിലും വാട്സാപ്പ് ​ഗ്രൂപ്പുകളിലും ഐഷയുടേയും ഹർഷിതിന്റേയും വിവാഹവാർത്തകൾ നേരത്തെ പ്രചരിച്ചിരുന്നു. ഇതിന് പിന്നാലെ ഐഷ തന്നെ വിവാഹവിവരം സ്ഥിരീകരിച്ചു. വിവാഹത്തിന്റെ ചടങ്ങുകൾ പിന്നീട് ഉണ്ടാകുമെന്നാണ് റിപ്പോർട്ട്. സാമൂഹിക വിഷയങ്ങളിലെ ഇടപെടലുകളിലൂടെയാണ് ഐഷ ലക്ഷദ്വീപിന് പുറത്തേക്ക് ശ്രദ്ധ നേടിയത്.

Content: Aisha Sultana got married