കൊല്ലം: ഷാര്ജയില് മലയാളി യുവതി അതുല്യ ജീവനൊടുക്കിയ സംഭവത്തിൽ ഭർത്താവിനെതിരെ കേസെടുത്ത് പൊലീസ്. കൊലപാതകക്കുറ്റം, സ്ത്രീധന നിരോധന നിയമം, ആത്മഹത്യാപ്രേരണക്കുറ്റം തുടങ്ങി വിവിധ വകുപ്പുകള് പ്രകാരമാണ് ഭര്ത്താവ് സതീഷിനെതിരെ ചവറ തെക്കുംഭാഗം പൊലീസ് കേസെടുത്തത്.
സതീശിനെതിരെ അതുല്യയുടെ അച്ഛനും അമ്മയും പൊലീസിൽ മൊഴി നൽകിയിരുന്നു. സതീഷ് അതുല്യയെ മര്ദിക്കുന്നതിന്റെ ദൃശ്യങ്ങള് അടക്കം തെളിവായി നല്കിയാണ് കേസ് നല്കിയിരിക്കുന്നത്.
സതീഷിന് വിവാഹ സമയത്ത് 48 പവന് സ്വര്ണം നല്കിയെങ്കിലും വീണ്ടും സ്വര്ണം വേണമെന്നാവശ്യപ്പെട്ട് അതുല്യയെ മാനസികമായി പീഡിപ്പിച്ചിരുന്നുവെന്നാണ് രക്ഷിതാക്കള് പറയുന്നത്. 75000 രൂപ നല്കി 11 വര്ഷം മുമ്പ് ബൈക്ക് വാങ്ങി നല്കിയിരുന്നുവെന്നും പിന്നീട് കാറ് വേണമെന്ന് ആവശ്യപ്പെട്ട് പീഡനമുണ്ടായെന്നും മൊഴിയില് പറയുന്നു.
