അബുദാബി: യുഎഇയില് ഓഗസ്റ്റ് മാസത്തില് ഒമ്പത് വര്ഷത്തിനിടയിലെ ഏറ്റവും ഉയര്ന്ന താപനില രേഖപ്പെടുത്തി. ഒമ്പത് വര്ഷത്തിനിടെ ഇതാദ്യമായാണ് ഓഗസ്റ്റ് മാസത്തില് ഇത്രയും ഉയര്ന്ന താപനില രേഖപ്പെടുത്തുന്നത്. കഴിഞ്ഞ ഒന്പത് വര്ഷത്തിനിടെ ഓഗസ്റ്റ് മാസത്തില് യുഎഇയിലെ ഏറ്റവും ഉയര്ന്ന താപനിലയാണ് ഓഗസ്റ്റ് ഒന്നിന് രേഖപ്പെടുത്തിയത്.
അല് ഐനിലെ സ്വീഹാനില് 51.8°C ആണ് കഴിഞ്ഞ ഓഗസ്റ്റ് ഒന്നിന് രേഖപ്പെടുത്തിയത്. ഇത് 2017-ല് മെസൈറയില് രേഖപ്പെടുത്തിയ 51.4°C എന്ന മുന് റെക്കോര്ഡിനെ മറികടന്നു. കഴിഞ്ഞ കുറച്ച് വര്ഷങ്ങളായി രാജ്യത്ത് താപനില വര്ധച്ചുവരുന്നതിന്റെ സൂചനയാണിതെന്ന് നാഷണല് സെന്റര് ഓഫ് മെറ്റീരിയോളജി അറിയിച്ചു. അറബിക്കടലില് രൂപംകൊള്ളുന്ന ന്യൂനമര്ദ്ദവും ഇന്ത്യന് മണ്സൂണ് ന്യൂനമര്ദ്ദവുമാണ് രാജ്യത്തുടനീളം താപനില ഉയരുന്നതിനുള്ള പ്രധാന കാരണങ്ങള്.
അതേസമയം വേനലിലെ കൊടുംചൂടിന്റെ റെക്കോര്ഡിനൊപ്പം യുഎഇയില് വേനല് മഴയുമെത്തി. വിവിധ ഇടങ്ങളില് ശക്തമായ മഴയും ഒപ്പം ആലിപ്പഴവും പൊഴിഞ്ഞു. ദുബൈയില് ഇത്തവണ വേനല്മഴ ഇതുവരെ കാര്യമായി കിട്ടിയിട്ടില്ല. രാജ്യത്തെ ഏറ്റവുമധികം ചൂട് രേഖപ്പെടുത്തുന്ന അതേ അല് ഐനിലാണ് ഇപ്പോള് എല്ലാ ദിവസവുമെന്ന പോലെ മഴ പെയ്യുന്നത്. വിവിധയിടങ്ങളില് ഓറഞ്ച് അലര്ട്ടും നല്കിയിരുന്നു. അബുദാബി, ഷാര്ജ, അല്-ഐന് അങ്ങനെ പലഭാഗത്തും കൊടുംചൂടില് വേനല്മഴ കിട്ടിയിരുന്നു.
