തിരുവനന്തപുരം: ‘കാവിക്കൊടിയേന്തിയ ഭാരതാംബ’ വിവാദത്തിനുശേഷം രാജ്ഭവനില് മുഖ്യമന്ത്രി പിണറായി വിജയന് പങ്കെടുക്കുന്ന 28 ലെ ചടങ്ങില് ഭാരതാംഭയുടെചിത്രം ഉപയോഗിക്കില്ല. ഇക്കാര്യം രാജ്ഭവന് സ്ഥിരീകരിച്ചു. രാജ്ഭവന് ഓഡിറ്റോറിയത്തില് നടക്കുന്ന രാജ്ഭവനിലെ ഇന്ഹൗസ് ജേണലായ ‘രാജഹംസി’ന്റെ പ്രകാശനച്ചടങ്ങിലാണു മുഖ്യമന്ത്രി പങ്കെടുക്കുക.
ഈയിടെ ഈ ഓഡിറ്റോറിയത്തില് സംഘടിപ്പിക്കുന്ന പരിപാടികളെല്ലാം ‘കാവിക്കൊടിയേന്തിയ ഭാരതാംബ’യുടെ ചിത്രത്തില് പുഷ്പാര്ച്ചന നടത്തിയും മുന്പില് വിളക്കു കൊളുത്തിയുമാണു തുടങ്ങാറുള്ളത്. സര്ക്കാര് പരിപാടികളില്നിന്നു പ്രസ്തുത ചിത്രം ഒഴിവാക്കണമെന്നു മുഖ്യമന്ത്രി ആവശ്യപ്പെട്ടിരുന്നു. പറ്റില്ലെന്നായിരുന്നു രാജ്ഭവന്റെ നിലപാട്. ഈ നിലപാടിലാണ് ഇപ്പോള് മാറ്റം വന്നിരിക്കുന്നത്.
