തിരുവനന്തപുരം: നെയ്യാറ്റിൻകരയിൽ ഗ്യാസ് ചോർച്ചയെ തുടർന്ന് തീപടർന്ന് ഉണ്ടായ അപകടത്തിൽ വീട്ടമ്മയ്ക്ക് ദാരുണാന്ത്യം. മുട്ടക്കാട് സ്വദേശി സുനിതകുമാരി ആണ് ദാരുണമായി മരണപ്പെട്ടത്. ഇന്ന് രാവിലെ അടുക്കളയിൽ ചായ തയ്യാറാക്കുന്നതിനിടെയായിരുന്നു അപകടം. പ്രാഥമിക വിവരം പ്രകാരം ഗ്യാസ് ചോർച്ചയാണ് തീപടരാൻ കാരണം. തീപടർന്ന ഉടൻ തന്നെ സുനിതയുടെ നിലവിളികേട്ട് മകൻ അഖിൽ അടുക്കളയിലേക്ക് ഓടി എത്തിയതോടെയും, സമീപവാസികൾയും ചേർന്ന് ഉടൻ തന്നെ സുനിതയെ നെയ്യാറ്റിൻകര ആശുപത്രിയിലേക്ക് കൊണ്ടുപോയെങ്കിലും പിന്നീട് മെഡിക്കൽ കോളേജ് ആശുപത്രിയിലേക്കു മാറ്റി. ഇതേ തുടർന്ന് മരണം സ്ഥിരീകരിക്കുകയായിരുന്നു. സുനിത വീട്ടിനു സമീപം ഒരു ബേക്കറി നടത്തിവരികയായിരുന്നു. ഭർത്താവ് വിദേശത്താണ്. മക്കളുമൊപ്പമായിരുന്നു സുനിത താമസം. മകൾ രാവിലെ ജോലിക്ക് പോയിരുന്നു; അപകടസമയത്ത് മകൻ മാത്രമാണ് വീട്ടിലുണ്ടായിരുന്നത്.