സംസ്ഥാനത്ത് റെക്കോര്ഡുകള് തകർത്ത് സ്വര്ണവില. പവന് 160 രൂപ വര്ധിച്ചതോടെ സ്വര്ണവില 91,000 കടന്നു. 91,040 രൂപയാണ് ഒരു പവന് സ്വര്ണത്തിന്റെ ഇന്നത്തെവില. ഗ്രാമിന് 20 രൂപ വർധിച്ച് 11,380 രൂപയായി. ഇന്നലെയാണ് സ്വര്ണവില ആദ്യമായി 90,000 കടന്നത്.
സെപ്റ്റംബര് 9 നാണ് സ്വര്ണവില ആദ്യമായി 80,000 പിന്നിട്ടത്. തുടര്ന്നുള്ള ഓരോ ദിവസവും റെക്കോര്ഡുകള് ഭേദിച്ച് സ്വര്ണവില കുതിക്കുന്ന കാഴ്ചയാണ് ദൃശ്യമായത്. ഒരു മാസത്തിനിടെ പവന് 10000 രൂപയിലധികമാണ് വര്ധിച്ചത്. ഇന്നലെ മാത്രം രണ്ടു തവണകളായി 1400 രൂപയാണ് വര്ധിച്ചത്.
