തെലുങ്ക് സൂപ്പര്താരം രാം ചരണ് നായകനായി അഭിനയിക്കുന്ന പാന് ഇന്ത്യന് ചിത്രമായ ‘പെദ്ധി’യിലേ ‘ചികിരി ചികിരി’ ഗാനം സമൂഹ മാധ്യമങ്ങളില് തരംഗമാകുന്നു. ഇതിനോടകം ഈ ഗാനത്തിന് 75 മില്യണില് അധികം കാഴ്ചക്കാരെയാണ് യൂട്യൂബില് നിന്നും ലഭിച്ചത്. ഗാനത്തിന്റെ ലിറിക്കല് വീഡിയോ ആണ് റിലീസ് ചെയ്തത്.
ഓസ്കാര് പുരസ്കാരജേതാവ് എ ആര് റഹ്മാന് സംഗീതം പകര്ന്ന ഗാനത്തിന്റെ മലയാളം പതിപ്പ് ആലപിച്ചത് ബെന്നി ദയാല് ആണ്. ദേശീയ അവാര്ഡ് ജേതാവ് ബുചി ബാബു സന സംവിധാനം ചെയ്യുന്ന ചിത്രത്തിന്റെ ആഗോള റിലീസ്, മാര്ച്ച് 27, 2026 നാണ്.
വൃദ്ധി സിനിമാസിന്റെ ബാനറില് വെങ്കട സതീഷ് കിലാരു ആണ് ചിത്രം നിര്മ്മിക്കുന്നത്. മൈത്രി മൂവി മേക്കര്സ്, സുകുമാര് റൈറ്റിങ്സ് എന്നിവര് ചേര്ന്നാണ് ഈ ബിഗ് ബഡ്ജറ്റ് ചിത്രം അവതരിപ്പിക്കുന്നത്.
ഗാനത്തിലെ രാം ചരണിന്റെ നൃത്ത ചുവടുകള് ഇതിനോടകം ആരാധകര്ക്കിടയില് വൈറലാണ്. ഗാനത്തിന്റെ വിവിധ ഭാഷാ പതിപ്പുകള് പുറത്തു വന്നിട്ടുണ്ട്. എല്ലാ പതിപ്പുകള്ക്കും ഗംഭീര സ്വീകരണമാണ് പ്രേക്ഷകരില് നിന്നും ലഭിക്കുന്നത്. കയ്യില് ക്രിക്കറ്റ് ബാറ്റും പിടിച്ചു കൊണ്ടുള്ള രാം ചരണിന്റെ ഹുക് സ്റ്റെപ് ആണ് ഗാനത്തിന്റെ ഹൈലൈറ്റ് ആയി മാറിയത്.
ചിത്രത്തിലെ നായികാ വേഷം ചെയ്യുന്ന ജാന്വി കപൂറും സംഗീത സംവിധായകന് എ ആര് റഹ്മാനും ഉള്പ്പെടുന്ന ദൃശ്യങ്ങളും ഗാനത്തിന്റെ ലിറിക്കല് വീഡിയോയുടെ ഭാഗമാണ്. ജാനി മാസ്റ്റര് ആണ് ഈ ഗാനത്തിന് വേണ്ടി നൃത്ത ചുവടുകള് ഒരുക്കിയത്.
അച്ചിയമ്മ എന്ന് പേരുള്ള കഥാപാത്രമായാണ് ജാന്വി ഈ ചിത്രത്തില് വേഷമിടുന്നത്. ജാന്വിയുടെ കാരക്ടര് പോസ്റ്റര് അടുത്തിടെ പുറത്തു വിട്ടിരുന്നു.
കന്നഡ സൂപ്പര്താരം ശിവരാജ് കുമാറും ചിത്രത്തിന്റെ താരനിരയുടെ ഭാഗമാണ്. രാം ചരണ്- ശിവരാജ് കുമാര് ടീം ആദ്യമായി ഒന്നിക്കുന്ന ചിത്രം കൂടിയാണിത്.
നേരത്തെ പുറത്തു വന്ന ചിത്രത്തിന്റെ ഫസ്റ്റ് ലുക്ക്, ടൈറ്റില് ഗ്ലിമ്പ്സ് എന്നിവയും സമൂഹ മാധ്യമങ്ങളില് വലിയ ശ്രദ്ധ പിടിച്ചു പറ്റിയിരുന്നു. വമ്പന് ശാരീരിക പരിവര്ത്തനമാണ് ഈ ചിത്രത്തിനായി രാം ചരണ് നടത്തിയത്.
ഒന്നിലധികം വ്യത്യസ്ത ലുക്കുകളിലാണ് രാം ചരണ് കഥാപാത്രത്തെ ചിത്രത്തില് അവതരിപ്പിക്കുന്നത്. ബ്രഹ്മാണ്ഡ കാന്വാസില് ഒരുക്കുന്ന ഈ ചിത്രത്തിലൂടെ രാം ചരണിനെ ഇതുവരെ പ്രേക്ഷകര് കാണാത്ത മാസ്സ് അവതാരമായി എത്തിക്കാനുള്ള ശ്രമത്തിലാണ് സംവിധായകന് ബുചി ബാബു സന.
ചിത്രത്തിന്റെ ചിത്രീകരണം ഇപ്പോള് പുരോഗമിക്കുകയാണ്. ജഗപതി ബാബു, ബോളിവുഡ് താരം ദിവ്യേന്ദു എന്നിവരാണ് ചിത്രത്തിലെ മറ്റ് പ്രധാന താരങ്ങള്.
രചന, സംവിധാനം -ബുചി ബാബു സന, അവതരണം – മൈത്രി മൂവി മേക്കേഴ്സ്, സുകുമാര് റൈറ്റിംഗ്സ്, നിര്മ്മാണം – വെങ്കട സതീഷ് കിലാരു, ബാനര് – വൃദ്ധി സിനിമാസ്, കോ പ്രൊഡ്യൂസര് – ഇഷാന് സക്സേന, എക്സിക്യൂട്ടീവ് പ്രൊഡ്യൂസര്- വി. വൈ. പ്രവീണ് കുമാര്, ഛായാഗ്രഹണം – രത്നവേലു, സംഗീതം – എ ആര് റഹ്മാന്, എഡിറ്റര്- നവീന് നൂലി, പ്രൊഡക്ഷന് ഡിസൈന് – അവിനാഷ് കൊല്ല, മാര്ക്കറ്റിംഗ്- ഫസ്റ്റ് ഷോ, പിആര്ഒ – ശബരി
