ആലപ്പുഴ: അപകടത്തിൽ മരണപെട്ട ഒൻപത് വയസ്സുകാരന് എതിരെ അശ്ലീല പരാമർശം നടത്തിയ യുവാവ് അറസ്റ്റിൽ. കൊല്ലം ശൂരനാട് സ്വദേശിയായ ആകാശ് ശശിധരൻ ആണ് അറസ്റ്റിലായത്.
ആലപ്പുഴ പുന്നപ്രയിൽ വെച്ച് സൈക്കിളിൽ സഞ്ചരിക്കവേയാണ് കാർ ഇടിച്ചു മുഹമ്മദ് സഹിൽ മരണപ്പെടുന്നത്. മരണ വിവരം അറിയിച്ചു കൊണ്ടുള്ള ഫേസ് ബുക്ക് പോസ്റ്റിനു ചുവടെയാണ് യുവാവ് അശ്ലീല കമന്റ് ഇട്ടത്. കമന്റ് ശ്രദ്ധയിൽപ്പെട്ട കുടുംബം പുന്നപ്ര പോലീസ് സ്റ്റേഷനിലും സൈബർ സെല്ലിലും പരാതി നൽകി.
സൈബർ സെൽ നടത്തിയ അന്വേഷണത്തിലാണ് കൊല്ലം ശൂരനാട് സ്വദേശി ആകാശം ശശിദരനെ അറസ്റ്റ് ചെയ്യുന്നത്. മരണപ്പെട്ട കുട്ടിയെ അപമാനിക്കുന്നതോടൊപ്പം സാമുദായിക സ്പർദ്ധ വളർത്തുന്നതാണ് പരാമർശം എന്നും പോലീസ് പറഞ്ഞു.
