തൃശ്ശൂർ : കടവല്ലൂർ റോഡ് സൈഡിലെ പൂമരത്തിന്റെ കൊമ്പ് പൊട്ടി കാറിനുള്ളിലേക്ക് കുത്തികയറി യുവതി മരിച്ചു. മലപ്പുറം സ്വദേശിനി ആതിരയാണ് മരിച്ചത്.
ഇന്നലെ വൈകിട്ട് ഏകദേശം 7 മണിയോടെയാണ് സംഭവം. ചങ്ങരംകുളം ഭാഗത്തേക്ക് പോകുകയായിരുന്ന ലോറിയും കാറും കടവല്ലൂർ അമ്പലം സ്റ്റോപ്പിന് സമീപം എത്തിയപ്പോൾ, വലിയ ലോറിയുടെ മുകൾഭാഗം തട്ടിയതാണ് മരത്തിന്റെ കൊമ്പ് പൊട്ടാൻ കാരണം. പൊട്ടിയ കൊമ്പ് നേരെ കാറിനുള്ളിലേക്ക് കുത്തികയറി.
കാറിലെ യാത്രക്കാരിയായ ആതിരയ്ക്ക് ഗുരുതരമായി പരിക്കേറ്റു. ഉടൻ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. കാറോടിച്ചിരുന്ന ഡ്രൈവർക്കും പരിക്കേറ്റിട്ടുണ്ട്. അപകടവുമായി ബന്ധപ്പെട്ട് കൂടുതൽ അന്വേഷണം പുരോഗമിക്കുകയാണ്.
