മലബാർ സ്വതന്ത്ര സുറിയാനി സഭയുടെ കുന്നംകുളം സെന്റ് തോമസ് കുന്നത്തെ പള്ളിയിൽ ഇടവകയുടെ പ്രധാന പെരുന്നാളും ദൈവമാതാവിന്റെ ദേവാലയപ്രവേശന പെരുന്നാളും ആഘോഷിച്ചു.
പെരുന്നാൾ ശുശ്രൂഷകൾക്ക് സഭാ പരമാധ്യക്ഷൻ അഭിവന്ദ്യ സിറിൾ മാർ ബസ്സേലിയോസ് മെത്രാപ്പോലീത്താ തിരുമനസ്സുകൊണ്ട് മുഖ്യ കാർമികത്വം വഹിച്ചു. നവംബർ 20, 21 (വ്യാഴം, വെള്ളി) ദിവസങ്ങളിൽ നടന്ന പെരുന്നാൾ ശുശ്രൂഷകളിൽ സന്ധ്യാ നമസ്കാരവും വിശുദ്ധ കുർബ്ബാനയും പരിശുദ്ധ ദൈവമാതാവിനോടും മാർത്തോമാ ശ്ലീഹായോടും ഉള്ള മധ്യസ്ഥ പ്രാർത്ഥനകളും പെരുന്നാൾ റാസ, ശ്ലൈഹീക വാഴും പ്രത്യേക ധൂപപ്രാർത്ഥന, നേർച്ച സദ്യ എന്നിവയും സംഘടിപ്പിച്ചു.
ഇടവക വികാരി ഫാ. സ്റ്റെഫാനോ പുലിക്കോട്ടിൽ, ഇടവക സെക്രട്ടറി ജിയോ പനയ്ക്കൽ, ട്രഷറർ ജെൻസൻ പി.എസ് എന്നിവരടങ്ങിയ കുന്നംകുളം സെന്റ് തോമസ് ഇടവക കമ്മിറ്റി പെരുന്നാൾ ശുശ്രൂഷകൾക്ക് നേതൃത്വം നൽകി.സഭാ കൗൺസിൽ അംഗങ്ങളും ഇടവക കമ്മിറ്റി അംഗങ്ങളും പെരുന്നാൾ ഒരുക്കങ്ങൾക്ക് സജീവമായി പ്രവർത്തിച്ചു.
