കോട്ടയം : തീവ്ര വോട്ടർ പട്ടിക പരിഷ്‌കരണ നടപടികൾ ജില്ലയിൽ  പുരോഗമിക്കുകയാണ്. പൂരിപ്പിച്ച എന്യൂമറേഷൻ ഫോമുകൾ തിരികെ വാങ്ങുന്നത്  നവംബർ 29,30 തീയതികളിൽ പൂർത്തീകരിക്കേണ്ടതുണ്ട്.

ഫോമുകളുടെ ഡിജിറ്റൈസേഷൻ സമയബന്ധിതമായി ചെയ്യാൻ ബൂത്ത് ലെവൽ ഓഫീസർമാർക്ക് ആവശ്യമായ പിന്തുണ ഉറപ്പാക്കും. വില്ലേജ്, താലൂക്ക് ഓഫീസുകളിൽ ഹൈസ്പീഡ് ഇന്‍റര്‍നെറ്റ് സംവിധാനം ഉൾപ്പെടെ പ്രത്യേക ക്യാമ്പുകൾ പ്രവർത്തിക്കും. ബി.എൽ. ഒമാർക്ക് സഹായത്തിനായി ജീവനക്കാരുമുണ്ടാകും. ഡിജിറ്റൈസേഷന്‍ ക്യാമ്പുകളില്‍ സന്ദര്‍ശനം നടത്തി ക്രമീകരണങ്ങള്‍ വിലയിരുത്തി.

 കോട്ടയം ജില്ലയിലെ ഇരുപതോളം ബി.എൽ.ഒമാർ 15 ദിവസത്തിനുള്ളിൽ ഫോം വിതരണവും സ്വീകരണവും ഡിജിറ്റൈസേഷനും പൂർത്തീകരിച്ചു. ഫോമുകൾ പൂരിപ്പിച്ച് ബി.എൽ.ഒമാർക്ക്  നൽകാൻ പൊതുജനങ്ങളും താല്പര്യം കാണിക്കണം. അതത് വില്ലേജ് ഓഫീസുകളിലും എന്യൂമറേഷൻ ഫോമുകൾ നൽകാം.