കോഴിക്കോട്: അന്തരിച്ച കൊയിലാണ്ടി എംഎല്എ കാനത്തില് ജമീലയുടെ സംസ്ക്കാരം ഇന്ന് അത്തോളി കുനിയിൽ കടവിൽ നടക്കും. കോഴിക്കോട്ടെ സ്വകാര്യ ആശുപത്രിയില് സൂക്ഷിച്ചിരിക്കുന്ന മൃതദേഹം രാവിലെ സിപിഎം നേതാക്കള് ഏറ്റുവാങ്ങും. തുടർന്ന് രാവിലെ എട്ട് മുതല് പത്ത് വരെ സിപിഎം ജില്ലാ കമ്മിറ്റി ഓഫീസില് പൊതുദര്ശനത്തിന് വെക്കും.
പിന്നീട് കൊയിലാണ്ടി ടൗണ് ഹാളിലും തലക്കുളത്തൂരിലെ കണ്വെന്ഷന് സെന്ററിലും ചോയിക്കുളത്തെ വീട്ടിലും പൊതു ദര്ശനം നടക്കും. തുടർന്ന് അത്തോളി കുനിയില് കടവ് ജുമാ മസ്ജിദ് ഖബര്സ്ഥാനില് വൈകിട്ട് അഞ്ച് മണിക്കാണ് ഖബറടക്കം.
എം എൽ എ യോടുള്ള ആദര സൂചകമായി കൊയിലാണ്ടി ടൗണില് ഇന്ന് ഉച്ചക്ക് രണ്ട് മുതല് വൈകിട്ട് അഞ്ച് വരെ ഹര്ത്താല് ആചരിക്കും.അര്ബുദ രോഗത്തെ തുടര്ന്ന് കോഴിക്കോട്ടെ സ്വകാര്യ ആശുപത്രിയില് ചികിത്സയിലായിരുന്ന കാനത്തില് ജമീല ശനിയാഴ്ചയാണ് അന്തരിച്ചത്. വിദേശത്തുള്ള മകന് എത്തേണ്ടതിനാലാണ് സംസ്ക്കാരം ഇന്നത്തേക്ക് മാറ്റിയത്.
