കോട്ടയം : അന്താരാഷ്ട്ര ഭിന്നശേഷി ദിനത്തോടനുബന്ധിച്ച് (ഡിസംബർ 3), കെ.എസ്.എസ്സിന്റെ നേതൃത്വത്തിൽ കുമരകം അഗപ്പെ ഡേ കെയർ സെന്ററിലെ കുട്ടികളും അധ്യാപകരും ചേർന്ന് ബോധവൽക്കരണ റാലി സംഘടിപ്പിച്ചു. “ഭിന്നശേഷി സൗഹൃദ ലോകം” എന്ന സന്ദേശം ഉയർത്തിപ്പിടിച്ച റാലി, ഭിന്നശേഷിക്കാർക്ക് സമൂഹത്തിൽ തുല്യതയും അവസരങ്ങളും ഉറപ്പാക്കേണ്ടതിൻ്റെ പ്രാധാന്യം വിളിച്ചോതി. ദിനാചരണത്തിൻ്റെ ഭാഗമായി നടന്ന റാലിയിൽ സെന്ററിലെ കുട്ടികൾ ആവേശത്തോടെ പങ്കെടുത്തത് പരിപാടിക്ക് കൂടുതൽ ശ്രദ്ധേയത നൽകി. ഭിന്നശേഷി സൗഹൃദമായ ഒരു സമൂഹം കെട്ടിപ്പടുക്കുന്നതിൻ്റെ ആവശ്യകത റാലിയിലൂടെ പൊതുജനങ്ങളിലേക്ക് എത്തിച്ചു.