മലപ്പുറം : തദ്ദേശ സ്വയം ഭരണ സ്ഥാപനങ്ങളിലേക്കുള്ള തിരഞ്ഞെടുപ്പിനായുള്ള വോട്ടിംഗ് യന്ത്രങ്ങളുടെ വിതരണം പൂർത്തിയായി. ജില്ലാ കളക്ടറേറ്റ് ലെ ബി 3 ബ്ലോക്കിലെ വോട്ടിംഗ് യന്ത്രങ്ങളുടെ ഗോഡൗണിൽ നിന്നാണ് ജില്ലയിലെ വിവിധ ബ്ലോക്കുകളിലേക്കുള്ള യന്ത്രങ്ങളുടെ വിതരണം പൂർത്തിയാക്കിയത്.

ജില്ലയിലെ 15 ബ്ലോക്ക് പന്തയത്തുകളിലേക്കും 12 നഗരസഭകളിലേക്കുമുള്ള വോട്ടിംഗ് യന്ത്രങ്ങളുടെ വിതരണമാണ് പൂർത്തിയായിട്ടുള്ളത്. തുടർന്ന് അത് പഞ്ചായത്തുകളിൽ ചുമതലയുള്ള റിട്ടേണിംഗ് ഓഫീസർമാർക്ക് കൈമാറും. ആകെ മൊത്തം 5600 കണ്ട്രോൾ യുണിറ്റും 15260 ബാലറ്റ് യുണിറ്റുമാണ് വിതരണം ചെയ്യപ്പെട്ടിട്ടുള്ളത്.