ഡല്ഹി: കൊല്ലം കൊട്ടിയത്ത് ദേശീയപാതയുടെ സംരക്ഷണ ഭിത്തി ഇടിഞ്ഞുതാഴ്ന്ന സംഭവത്തില് അടിയന്തര നടപടി സ്വീകരിച്ച് കേന്ദ്ര സര്ക്കാര്.
കരാര് കമ്പനിക്ക് ഒരു മാസത്തേക്ക് അടിയന്തര വിലക്കിന് പുറമെ കമ്പനിയെ കരിമ്പട്ടികയില് ഉള്പ്പെടുത്താനുള്ള നീക്കവും തുടങ്ങി. കൊട്ടിയം മൈലക്കാടിന് സമീപത്തെ ദേശീയ പാതയുടെ സംരക്ഷണ ഭിത്തി ഇന്നലെയാണ് തകര്ന്നത്.
സംഭവത്തില് ദേശീയ പാത നിര്മ്മാണ കമ്പനിയെ കരിമ്പട്ടികയില് പെടുത്താതിരിക്കാന് കാരണം കാണിക്കല് നോട്ടീസടക്കം കേന്ദ്രം ഇതിനകം നല്കിക്കഴിഞ്ഞു. കരാര് കമ്പനിയുടെ പ്രോജക്ട് മാനേജരെയും റസിഡന്റ് എഞ്ചിനീയറെയും മാറ്റുകയും ചെയ്തിട്ടുണ്ട്.
വിദഗ്ധസമിതി സ്ഥലം സന്ദര്ശിക്കുന്നു എന്നും സമിതിയുടെ റിപ്പോര്ട്ടിന്റെ അടിസ്ഥാനത്തില് കൂടുതല് നടപടികളുണ്ടാകുമെന്നും കേന്ദ്രം വ്യക്തമാക്കി. മണ്ണ് പരിശോധനയിലും അടിസ്ഥാന നിര്മ്മാണത്തിലും വീഴ്ചയുണ്ടായെന്നും കേന്ദ്രം കണ്ടെത്തിയിട്ടുണ്ട്.
