സിഡ്‌നി: ഓസ്ട്രേലിയയിലെ ഭീകരാക്രമണത്തില്‍ മരണം 16 ആയി. 40 പേര്‍ക്ക് പരുക്ക്. അഞ്ച് പേരുടെ നില ഗുരുതരമാണ്.

സിഡ്‌നിയിലെ ബോണ്ടി ബീച്ചില്‍ ജൂത മതവിശ്വാസികളുടെ ആഘോഷങ്ങള്‍ക്കിടെ ആണ് ആക്രമണം ഉണ്ടായത്.

ഹനുക്ക എന്ന ജൂതരുടെ ആഘോഷത്തിലേക്ക് അക്രമികള്‍ വെടിയുതിര്‍ക്കുകയായിരുന്നു. തോക്കുധാരികളായ രണ്ടുപേര്‍ ചേര്‍ന്ന് 50 തവണയാണ് വെടിയുതിര്‍ത്തത്.

ഉച്ചയ്ക്ക് 2.17നാണ് സംഭവം ഉണ്ടായത്. നടന്നത് ഭീകരാക്രമണമാണെന്ന് പൊലീസ് സ്ഥിരീകരിച്ചു. അതേസമയം ആക്രമണത്തില്‍ ഓസ്‌ട്രേലിയന്‍ ഭരണകൂടത്തെ വിമര്‍ശിച്ച് ഇസ്രയേല്‍ രംഗത്തെത്തി.

ജൂതന്മാരെ ലക്ഷ്യം വച്ചുള്ള ആക്രണമാണ് നടന്നതെന്നും ഓസ്‌ട്രേലിയന്‍ ഭരണകൂടം മുന്നറിയിപ്പുകള്‍ അവഗണിച്ചെന്നുമാണ് ഇസ്രയേലിന്റെ കുറ്റപ്പെടുത്തല്‍.

അക്രമികളില്‍ ഒരാളെ തിരിച്ചറിഞ്ഞിട്ടുണ്ട്. നവീദ് അക്രം എന്നയാളാണ് അക്രമണം നടത്തിയതെന്ന് പൊലീസ് പറഞ്ഞു.

നവീദ് അക്രം പാകിസ്താന്‍കാരനാണെന്നും, പാകിസ്താനിലെ ലാഹോര്‍ സ്വദേശിയായ ഇയാള്‍ക്ക് 24 വയസ് മാത്രമാണ് പ്രായമെന്നും പൊലീസ് വ്യക്തമാക്കി.