തൃശ്ശൂർ: കൊരട്ടിയിൽ സംയുക്ത ട്രേഡ് യൂണിയൻ്റെ നേതൃത്വത്തിൽ നടന്ന ദേശീയ പണിമുടക്കിന് പിന്തുണ പ്രഖ്യപിച്ച് കൊരട്ടിയിൽ പ്രകടനവും പൊതുയോഗവും സംഘടിപ്പിച്ചു. ലേബർ കോഡുകൾ പിൻവലിക്കുക, തൊഴിലുറപ്പ് പദ്ധതി സംരക്ഷിക്കുക തുടങ്ങിയ ആവിശ്യങ്ങൾ ഉന്നയിച്ച് നടന്ന പണിമുടക്കിൻ്റെ ഭാഗമായി നടന്ന പൊതുയോഗം സി.ഐ ടി യു ചാലക്കുടി ഏരിയ പ്രസിഡൻ്റ് കെ.പി തോമാസ് ഉദ്ഘാടനം ചെയ്തു. ടി.വി. രാമകൃഷ്ണൻ അധ്യക്ഷത വഹിച്ചു.
സിപിഐ (എം) ചാലക്കുടി ഏരിയ കമ്മിറ്റി അംഗം അഡ്വ കെ ആർ സുമേഷ്, ജോർജ്ജ് ഐനിക്കൽ എം.ജെ ബെന്നി, പി. ബി രാജു, ടി.പി. സന്തോഷ് എന്നിവർ പ്രസംഗിച്ചു. എ.എ. ബിജു, കെ.കെ രാജൻ പി.സി ബിജു, എ.നിഷാദ് എന്നിവർ പ്രകടനത്തിന് നേതൃത്വം നൽകി.
